Bílar

Jeep Wrangler Rubicon 4XE PHEV - Reffilegur jeppi sem gaman er að keyra

Kristinn Ásgeir Gylfason skrifar
Jeep Wrangler 4XE PHEV.
Jeep Wrangler 4XE PHEV.

ÍsBand frumsýndi í gær nýjan Jeep Wrangler Rubicon í tengiltvinnútgáfu. Um er að ræða raunverulegan jeppa með raundrægni upp á 30 km á rafmagninu eingöngu. Ofanritaður tók einn bíl til kostanna á dögunum.

Útlit

Wrangler hefur einstakt útlit sem hefur að miklu leyti ekki breyst síðan Wrangler kom fyrst fram á sjónarsviðið árið 1986. Það er því erfitt að segja mikið um útlitið, annað en að ofanritaður er hrifinn.

Aksturseiginleikar

Það fer ekkert á milli mála að um jeppa er að ræða, eiginlega með stóru joði. Hátt og lágt fjórhjóladrif, læsingar og alvöru hásingar. Það er skemmtilegt að finna hvað hann er raunverulega þægilegur í akstri, reynsluakstur fór fram á möl og malbiki, þegar mölin var temmilega þétt þá sveif hann skemmilega yfir.

Hann virkar fínt í innanbæjarsnatti og er léttur og lipur þegar skotist er frá A til B. Það er til að mynda afar þægilegt að leggja honum í stæði. Hann er ekki eins stór og hann lítur út fyrir að vera. Hann getur því verið notaður í snatt meira en hann virðist geta við fyrstu sýn.

Jeep Wrangler 4XE.

Notagildi

Notagildi í þessu samhengi samanstendur af því hversu góður ferða og ævintýrabíll og hvað það er sem hann getur sem jeppi.

Þegar kemur að jeppa hlið málsins er lítið annað að segja en að hann virkar á mölinni. Hins vegar er erfitt að prófa það mikið meira en það án þess að gera sér ferð í Þórsmörk eða annað slíkt.

Farangursrýmið er nokkuð gott, sérstaklega ef búið er að fella niður aftursætin þá er plássið nokkuð gott. Að því gefnu að einungis tveir einstaklingar ætli að vera að ferðast á bílnum.

Það er fátt sem stoppar Wrangler þegar kemur að áfangastöðum. Hann kemst um það bil allt sem þú vilt komast og með mikið af þeim farangri sem þú vildir hafa með þér.

Innra rými

Hann er flottur að innan, hann ber þess merki að vera jeppi. Hann er einnig þeim hæfileikum gæddur að hægt er að taka toppinn af og það er hægt að taka hluta af toppnum af og hann allan ef sá gállinn er á fólki.

Afþreyingarkerfið er frekar einfalt í notkun og virkar sem slíkt. Það eru engar krúsidúllur á ferðinni enda grjótharður jeppi.

Jeep Wrangler 4XE í hleðslu.

Drægni og eyðsla

Verandi tengiltvinnbíll þá er hann þeim eiginleikum gæddur að geta ekið einungis á rafmagni. Wrangler 4XE kemst um 30 km á rafmagninu einu.

Hann notaður um 10,9 lítra af bensíni á hundrað kílómetrum, sem fyrir fjórhjóladrifinn jeppa sem var ekki ekið í sparakastri við prófanir er ekki slæmt.

Verð og samantekt

Hinn goðsagna kenndi Wrangler byrjar í 9.490.000kr. og kemur í tveimur útgáfum. Sú dýrari kostar 10.490.000kr.

Að þessu sögðu eru ÍsBand svo með í boði breyttar útgáfur sem kosta meira og eru enn reffilegri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.