Veiði

Veiðin á hálendinu rólega að vakna

Karl Lúðvíksson skrifar
Jóhann Axel Thorarensen með væna bleikju úr Köldukvísl
Jóhann Axel Thorarensen með væna bleikju úr Köldukvísl KL

Það hefur verið lítið að frétta af hálendisveiðinni í þessum mánuði þrátt fyrir að nokkur svæði séu opin.

Það bíða samt flestir spenntir eftir því að stóru nöfnin fari að hleypa veiðimönnum að bakkanum en þar má nefna Arnarvatnsheiðina, Veiðivötn og Skagaheiði. Líklega eru Veiðivötnin það svæði sem togar flesta að sér en það eru engu að síður fleiri svæði sem minna fer fyrir og má þar nefna Blöndukvíslar, Norðlingafljót, Sporðöldulón, Kvíslaveitur, Þorisvatn, Fellendavatn og Köldukvísl.

Flott bleikja úr Köldukvísl

Kaldakvísl er ansi vatnslítil þetta vorið en þrátt fyrir kulda síðustu daga og vikur er bleikjan mætt á svæðið. Þarna má finna vænar bleikjur en algeng stærð er 2-3 pund en inn á milli má sjá bleikjur sem eru mun stærri. Það er ekkert óalgengt að sjá bleikjur sem ná 70 sm og eru þykkar eftir því. Það sem vantar til að koma veiðinni í Köldukvísl vel af stað eru smá hlýindi til að koma flugunni í gang en það væri líka vel þegið að fá rigningu en það eru víst flestir veiðimenn að biðja um úrhelli á suður og vesturlandi þessa dagana til að árnar verði ekki vatnslitlar í sumar.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.