Fótbolti

Fjórir hættir við landsleikina og nú vantar fjórtán úr fyrsta hópi Arnars

Sindri Sverrisson skrifar
Arnór Ingvi Traustason hefur dregið sig úr íslenska hópnum.
Arnór Ingvi Traustason hefur dregið sig úr íslenska hópnum. Getty

Enn kvarnast úr íslenska landsliðshópnum í fótbolta karla sem mæta á Mexíkó, Póllandi og Færeyjum í vináttulandsleikjum. Fjórir hafa dottið út úr hópnum sem að tilkynntur var á föstudag.

Kári Árnason, Arn­ór Ingvi Trausta­son, Rún­ar Már Sig­ur­jóns­son og Viðar Örn Kjart­ans­son hafa allir dregið sig út úr landsliðshópnum sem heldur til Bandaríkjanna í dag. Þar mætir liðið Mexíkó aðfaranótt mánudags áður en hópurinn flýgur til Póllands og síðasti leikurinn er svo í Færeyjum.

Ef miðað er við fyrsta landsliðshópinn sem Arnar Þór Viðarsson valdi, fyrir leikina í undankeppni HM í mars, vantar fjórtán leikmenn núna úr þeim hópi. Sumir voru ekki valdir núna, aðrir eru meiddir og margir gáfu ekki kost á sér.

Leikmennirnir 14 sem vantar núna, úr hópnum sem valinn var í mars, eru Hannes Þór Halldórsson, Guðlaugur Victor Pálsson, Sverrir Ingi Ingason, Ari Freyr Skúlason, Kári Árnason, Hörður Björgvin Magnússon, Rúnar Már Sigurjónsson, Arnór Ingvi Traustason, Gylfi Þór Sigurðsson, Jóhann Berg Guðmundsson, Arnór Sigurðsson, Hólmbert Aron Friðjónsson og Björn Bergmann Sigurðarson. Ofan á það bætast frekari forföll nú. Þess má geta að Gylfi og Björn drógu sig svo út úr hópnum sem valinn var í mars.

Íslenski hópurinn 

(Merktir með * koma til móts við hópinn eftir leikinn við Mexíkó)

Markmenn

  • Elías Rafn Ólafsson | Fredericia
  • Rúnar Alex Rúnarsson | Arsenal | 8 leikir
  • Ögmundur Kristinsson | Olympiacos | 17 leikir
  • Patrik Sigurður Gunnarsson | Silkeborg IF *

Varnarmenn

  • Birkir Már Sævarsson | Valur | 97 leikir, 3 mörk
  • Brynjar Ingi Bjarnason | KA
  • Hjörtur Hermannsson | Bröndby IF | 19 leikir, 1 mark
  • Hörður Ingi Gunnarsson | FH
  • Ísak Óli Ólafsson | Keflavík | 0 leikir
  • Kolbeinn Þórðarson | Lommel SK
  • Ragnar Sigurðsson | 97 leikir, 5 mörk
  • Rúnar Þór Sigurgeirsson | Keflavík
  • Alfons Sampsted | Bodö Glimt | 3 leikir *
  • Guðmundur Þórarinsson | New York City FC | 5 leikir *
  • Jón Guðni Fjóluson | Hammarby | 17 leikir, 1 mark *
  • Valgeir Lunddal Friðriksson | Häcken *

Miðjumenn

  • Andri Fannar Baldursson | Bologna | 1 leikur
  • Aron Einar Gunnarsson | Al Arabi | 94 leikir, 2 mörk
  • Aron Elís Þrándarson | OB | 5 leikir
  • Birkir Bjarnason | Brescia | 95 leikir, 14 mörk
  • Gísli Eyjólfsson | Breiðablik
  • Ísak Bergmann Jóhannesson | IFK Norrköping | 2 leikir
  • Stefán Teitur Þórðarson | Silkeborg IF | 2 leikir
  • Þórir Jóhann Helgason | FH
  • Jón Dagur Þorsteinsson | AGF | 7 leikir, 1 mark *
  • Mikael Neville Anderson | FC Midtjylland | 7 leikir *

Sóknarmenn

  • Jón Daði Böðvarsson | Millwall | 57 leikir, 3 mörk
  • Kolbeinn Sigþórsson | IFK Göteborg | 62 leikir, 26 mörk
  • Sveinn Aron Guðjohnsen | OB | 1 leikur
  • Albert Guðmundsson | AZ Alkmaar | 20 leikir, 3 mörk *



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.