Viðskipti erlent

Cook ber vitni í málferlum Epic gegn Apple

Samúel Karl Ólason skrifar
Tim Cook, forstjóri Apple.
Tim Cook, forstjóri Apple. AP/Markus Schreiber

Tim Cook, forstjóri Apple, mun í dag setjast í vitnastúkuna í máli Apple og Epic Games, framleiðenda hins vinsæla leiks Fortnite. Epic hefur sakað Apple um samkeppnisbrot en málaferlin gætu haft gífurleg áhrif stýrikerfi í tækjum Apple og hvernig notendur sækja snjallforrit.

Í stuttu máli má rekja málaferlin til þess að Apple lokaði á Fortnite í síma-stýrikerfi sínu eftir að Epic byggði eigið greiðslukerfi inn í tölvuleiknum. Apple krefst þrjátíu prósenta þóknunar af öllum keyptum snjallforitum í gegnum þjónustu fyrirtækisins sem heitir App Store og keyptum vörum innan þeirra forrita.

Ókeypis er að spila Fortnite en spilarar geta keypt nýja búninga fyrir persónuna sem þeir spila. Epic hefur grætt fúlgur fjár á þessum kaupum spilara.

Sjá einnig: Fortnite er enn arðbærasti leikur heims

Þegar Epic reyndi að fara framhjá Apple, lokaði Apple á Fortnite og Epic fór í mál við Apple. Forsvarsmenn fyrirtækja eins og Spotify og Match Group, sem rekur Tinder, hafa staðið við bakið á Epic.

Málið er reifað frekar hér.

Búist er við því að Cook muni bera vitni í um tvær klukkustundir í dag og verja snjallforritaviðskiptahætti Apple, sem fyrirtækið græðir gífurlega á á ári hverju, samkvæmt frétt Reuters fréttaveitunnar.

Nákvæmlega hve mikið Apple græðir á þessari þóknun er meðal þess em lögmenn Apple og Epic hafa deilt um í réttarhöldunum.

Lögmenn Apple segjast ætla að fá Cook til að ræða uppruna App Store og þá samkeppni sem Apple stendur í. Forsvarsmenn fyrirtækisins hafa haldið því fram að þóknunin hjálpi við að halda símum og tækjum Apple öruggum. Það sé einnig gert með því að stýra hvaða forrit eru leyfð í App Store.

Samkvæmt frétt CNN sagði einn yfirmanna Apple nýverið að fyrirtækið hefði til að mynda varið um hundrað milljörðum dala í þróunarvinnu sem nýttist öðrum fyrirtækjum sem gera snjallforrit.

Þá hefur Apple bent á fjölmörg önnur fyrirtæki, eins og Google, Samsund, Motorlola, Huawei og Microsoft sem eru einnig með þrjátíu prósenta þóknun í tengslum við sambærilega þjónustu varðandi snjallforrit og annað.


Tengdar fréttir

Bein útsending: Apple sýnir ný tæki og tól

Tæknirisinn Apple heldur í dag vorkynningu sína. Búist er við því að fyrirtækið muni kynna nýjar spjaldtölvur, tölvur, AirTags og fleira. Ekki stendur til að kynna nýja síma.

Skaut föstum skotum að Apple eftir 1.450 milljarða hagnað

Forsvarsmenn samfélagsmiðlafyrirtækisins Facebook opinberuðu í gær nýtt ársfjórðungsuppgjör sem sýndi að fyrirtækið hagnaðist um 11,2 milljarða dala á síðasta fjórðungi 2020. Það samsvarar um 1.450 milljörðum króna, gróflega reiknað.

Risarnir beina spjótum sínum að „miðli mál­frelsisins“

Samfélagsmiðillinn Parler er nú undir smásjá Apple og Google vegna þess efnis sem deilt er þar inni, en það er sagt hvetja til samskonar óeirða og urðu í Washington á miðvikudag. Miðillinn var stofnaður í ágúst árið 2018 en fór að sækja verulega í sig veðrið á síðasta ári eftir að sífellt fleiri stjórnmálamenn á hægri væng stjórnmálanna fóru að nýta hann til þess að ná til stuðningsmanna sinna.

Vildi selja Tesla til Apple en fékk ekki fund

Elon Musk, eigandi bílaframleiðandans Tesla og geimferðafyrirtæksisins SpaceX, svo eitthvað sé nefnt, sagði frá því í gær að hann hefði leitað til Tim Cook, forstjóra Apple, til að kanna hvort forsvarsmenn Apple væru tilbúnir til að skoða kaup á Tesla. Hann segir Cook ekki hafa viljað funda með sér.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
4,17
143
453.322
KVIKA
2,99
15
209.404
VIS
1,45
3
252.420
SYN
0,43
4
4.434
ARION
0,4
9
83.238

Mesta lækkun dagsins


Félag
Br.%
Fjöldi
Velta*
MAREL
-2,56
49
692.555
EIK
-1,63
3
478
ORIGO
-1,59
3
10.988
SIMINN
-0,83
11
72.169
REITIR
-0,63
2
20.710
Velkomin á Vísi. Þessi vefur notar vafrakökur. Sjá nánar.