Dag­skráin í dag: Úr­slita­leikur Meistara­deildarinnar, ná­granna­slagur í Dominos, Olís, Pepsi Max og margt fleira

Þar ber helst að nefna úrslitaleik Meistaradeildar Evrópu í kvennaflokki þar sem Chelsea og Barcelona mætast. Þá eru beinar útsendingar úr Domino´s deild karla, Olís deildum karla og kvenna sem og Pepsi Max deild karla.

Það er vægast sagt NÓG UM AÐ VERA í dag.

Stöð 2 Sport

Selfoss tekur á móti Fram í Olís-deild karla klukkan 13.50. Klukkan 16.00 er svo komið að Seinni bylgjunni – karla – og þar verður farið yfir alla leiki umferðarinnar. Klukkan 18.30 hefst upphitun fyrir leiki kvöldsins í Pepsi Max deild karla. Klukkan 19.05 hefst svo leikur Víkings og Breiðabliks.

Klukkan 21.15 er Pepsi Max Stúkan á dagskrá þar sem farið verður yfir leiki dagsins.

Stöð 2 Sport 2

Fiorentina tekur á móti Napoli í Serie A, ítölsku úrvalsdeildinni í knattspyrnu, klukkan 10.25.

Klukkan 13.50 er komið að leik Aftureldingar og Gróttu í Mjólkurbikar kvenna í knattspyrnu. Bæði lið leika í Lengjudeildinni og má reikna með hörku leik.

Klukkan 16.25 er leikur Athletic Bilbao og Real Madrid í La Liga, spænsku úrvalsdeildinni í knattspyrnu, á dagskrá.

Klukkan 18.45 er úrslitaleikur Meistaradeildar Evrópu á dagskrá þar sem Chelsea og Barcelona mætast í Gautaborg.

Stöð 2 Sport 3

Piteå tekur á móti Örebro í sænsku úrvalsdeildinni í knattspyrnu klukkan 12.55. Cecilía Rán Rúnarsdóttir og Berglind Ágústsdóttir leika með Örebro. Hlín Eiríksdóttir leikur með Piteå en hún er að glíma við meiðsli og verður ekki með í dag.

Klukkan 16.25 er leikur Barcelona og Celta Vigo í La Liga á dagskrá.

Klukkan 19.30 er leikur Golden State Warriors og Memphis Grizzlies í NBA-deildinni á dagskrá.

Stöð 2 Sport 4

Klukkan 13.20 er leikur Stjörnunnar og ÍBV í úrslitakeppni Olís-deildar kvenna á dagskrá. ÍBV vann fyrri leik liðanna og því verður Stjarnan að ná í sigur í dag.

Klukkan 16.25 er leikur Atlético Madrid og Osasuna í La Liga á dagskrá. Fari svo að Atlético vinni leikinn en hvorki Barca né Real takist það þá eru Atlético spænskir meistarar.

Klukkan 19.45 hefst upphitun fyrir leik Vals og KR í úrslitakeppni Domino´s deildar karla í körfubolta. Leikurinn hefst klukkan 20.10 og verður hann gerður upp í Domino´s Körfuboltakvöldi klukkan 22.00.

Stöð 2 Golf

Klukkan 10.00 heldur Investec South African Women´s Open-mótið í golfi áfram en það er hluti af LET-mótaröðinni. Klukkan 17.00 er komið að AT&T Byron Nelson-mótinu en það er hluti af PGA-mótaröðinni.

Stöð 2 E-Sport

MSI 2021 heldur áfram klukkan 12.30.

Stöð2.is

Klukkan 19.05 hefst leikur Leiknsi Reykjavíkur og Fylkis í Pepsi Max deild karla.