Innlent

Lögregla kölluð til vegna ilmvatnsfiktara

Hólmfríður Gísladóttir skrifar
Maðurinn var grunaður um að ætla að stela ilmvatninu.
Maðurinn var grunaður um að ætla að stela ilmvatninu.

Lögreglan á höfuðborgarsvæðinu var kölluð til snemma í gærkvöldi vegna manns sem var að skemma ilmvatnsumbúðir í verslun í póstnúmerinu 103. Talið var að maðurinn hefði ætlað að stela ilmvatninu en hann var kærður fyrir eignaspjöll.

Afskipti voru einnig höfð af tveimur mönnum sem eru grunaðir um þjófnað í miðborginni. Fóru þeir inn á veitingastað og höfðu á brott með sér krukku með þjórfé starfsmanna. 

Þá var lögreglu tilkynnt um mann í annarlegu ástandi við annan veitingastað í miðborginni. Var hann að áreita viðskiptavini staðarins og öskra á þá og starfsfólk. Maðurinn var handtekinn og færður í fangageymslur sökum ástands.

Þá var ofurölvi maður handtekinn í hverfi 105. Fór hann ekki að fyrirmælum lögreglu og var vistaður í fangageymslum.

Í kringum miðnætti í gær voru ökumenn þriggja bifreiða stöðvaðar á Kringlumýrarbraut eftir hraðamælingar. Voru þeir á 108 til 113 km/klst þar sem hámarkshraði er 80 km/klst.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.