Bílar

Sjö manna rafjepplingur frá Mercedes-Benz

Kristinn Ásgeir Gylfason skrifar
Framan á EQB.
Framan á EQB.

Mercedes-Benz heimsfrumsýndi nýja rafbílinn EQB á sunnudag. EQB er hreinn rafbíll og fimmti bíllinn sem Mercedes-Benz kynnir á stuttum tíma undir merkjum Mercedes-EQ. Nú á dögunum voru bæði EQA og EQS frumsýndir. Fyrsti rafbíll Mercedes-Benz var EQC, þá kom fjölnotabíllinn EQV og enn fleiri bílar undir merkjum EQ eru væntanlegir á næstunni m.a. EQE, sem og jeppaútfærslur af EQE og EQS.

Meðfylgjandi er fréttatilkynning frá Öskju.

EQB, sem er væntanlegur á markað í Evrópu í lok þessa árs, er rúmgóður jepplingur og með mikið pláss fyrir fólk og farangur. Bíllinn býður upp á sæti fyrir sjö manns en í þriðju og öftustu röð eru sæti fyrir tvo einstaklinga allt að 165 cm að hæð. Farangursrýmið er stórt og plássið er allt að 1.700 lítrar með sæti niðri. Bíllinn býður upp á mjög gott aðgengi og sætisstaða ökumanns og farþega er há þannig að það er gott útsýni út úr bílnum. Þá eru margar sniðugar lausnir varðandi geymslurými og ýmis þægindi sem koma sér vel fyrir stórar fjölskyldur. EQB er þannig tilvalinn ferðabíll og nýtist einnig mjög vel í útivistina og áhugamálin.

Hinn nýi EQB er með allt að 478 km drægni samkvæmt WLTP staðli. Bíllinn er búinn öflugum 66,5 kW rafhlöðum sem skila prýðilegu afli. EQB er 4684 mm að lengd, 1834 mm að breidd og 1667 mm að hæð. Bíllinn er byggður á hinum nýja MFA2 undirvagni frá Mercedes-Benz sem er einnig notaður í EQA sem frumsýndur var fyrir stuttu og fleiri rafbíla sem Mercedes-EQ smíðar og hannar. EQB er í boði bæði með framhjóla- og aldrifi.

Afturendi og hlið á EQB.

EQB er búinn MBUX margmiðlunarkerfinu og háskerpuskjá í widescreen mælaborði bílsins. Þá er bíllinn í boði með nýju og háþróuðu Electric Intelligence leiðsögukerfi. EQB er einnig með snjallri hleðslutækni sem býður upp á ýmsa möguleika varðandi hleðslu. Hægt er að hlaða bílinn allt að 80% á 30 mínútum í hraðhleðslu en það tekur um 5 klukkustundir og 45 mínútur að fullhlaða í venjulegri heimahleðslustöð.

EQB verður fyrsti rafbíllinn sem framleiddur er í verksmiðju Mercedes-Benz í Kecskemét í Ungverjalandi. CLA og CLA Shooting Break hafa verið smíðaðir í verksmiðjunni sem er afar tæknivædd.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.