Seðlabankinn skammar LIVE vegna útboðs Icelandair Kolbeinn Tumi Daðason skrifar 15. apríl 2021 10:38 Ásgeir Jónsson seðlabankastjóri á fundi um fjármálastöðugleika í húsakynnum bankans í gær. Vísir/vilhelm Seðlabanki Íslands segir að stjórn Lífeyrissjóðs verzlunarmanna (LIVE) hafi ekki gætt að því að meta hæfi einstakra stjórnarmanna við undirbúning og ákvörðun um hvort sjóðurinn tæki þátt í hlutafjárútboði Icelandair. Þetta kemur fram á vef Seðlabankans. Þá skammar Seðlabankinn lífeyrissjóðinn og sagði upplýsingagjöf sjóðsins til bankans hafa verið ábótavant og misvísandi. Það hafi tafið störf bankans. Seðlabankinn hóf í september athugun á stjórnarháttum hjá sjóðnum vegna álitamáls sem komu upp í tengslum við undirbúning ákvörðunar stjórnar sjóðsins um hvort hann tæki þátt í útboðinu. Fyrir útboðið var sjóðurinn stærsti hluthafinn í Icelandair og vakti því athygli að sjóðurinn ákvað að taka ekki þáttt í útboðinu. Það stóð þó tæpt. Fjórir gegn fjórum Ákvörðunin féll á jöfnum akvæðum átta stjórnarmanna. Helmingur stjórnarmanna er fulltrúi launafólks og sagði nei á meðan fulltrúar atvinnurekenda sögðu já. Guðrún Hafsteinsdóttir, varaformaður sjóðsins og forstjóri Kjörís, mælti með kaupum fyrir 2,5 milljarða. „Þarna er um að ræða lífsviðurværi þúsunda starfsmanna og starfsfólk Icelandair er einn stærsti greiðandi félagsgjalda til VR og þar með til lífeyrissjóðsins. Það kom mér því á óvart að það hafi verið fulltrúar atvinnurekenda í sjóðnum sem töluðu fyrir mikilvægi þess að verja störf félagsmanna en ekki fulltrúar launþegahreyfingarinnar,“ sagði Guðrún. Sagði rýningu hafa verið ítarlega Orð hennar féllu í grýttan jarðveg hjá Ragnari Þór Ingólfssyni, formanni VR. „Guðrún Hafsteinsdóttir ræðst með ótrúlega svívirðilegum hætti að minni persónu og fulltrúum okkar í stjórn LIVE, starfsheiðri þeirra og trúverðugleika.“ Formaðurinn Stefán Sveinbjörnsson sagði fjárfestingakost sjóðsins sjaldan hafa verið rýndan með jafn ítarlegum hætti og hlutafjárútboð Icelandair. Stjórnin hefði hist á fjórum fundum og rætt ítarlega. „Niðurstaðan var að áhættan í fjárfestingunni væri mikil og vænt ávöxtun vægi ekki upp þá áhættu. Á þeim forsendum var tekin ákvörðun um að taka ekki þátt í útboðinu.“ Seðlabankinn fylgist með Seðlabankinn tók til skoðunar hvort stjórn lífeyrissjóðsins hefði gætt að því með fullnægjandi hætti að meta hæfi einstakra stjórnarmanna við undirbúning og ákvörðun um hvort sjóðurinn tæki þátt í hlutafjárútboðinu í samræmi við kröfur laga um skyldutryggingu lífeyrisréttinda og starfsemi lífeyrissjóða og stjórnsýslulaga. Seðlabankinn segist í tilkynningu hafa aflað upplýsinga og gagna um ákvörðunarferli stjórnar sjóðsins vegna útboðsins og átti fundi með stjórnarmönnum sjóðsins þar sem farið var yfir sömu málefni. „Athuguninni er nú lokið og er niðurstaða Seðlabankans sú að stjórn lífeyrissjóðsins hafi ekki gætt að því að meta hæfi einstakra stjórnarmanna við undirbúning og ákvörðun um hvort sjóðurinn tæki þátt í hlutafjárútboði Icelandair Group hf.,“ segir í tilkynningu. Um stjórn Lífeyrissjóðs verzlunarmanna Stjórnin er skipuð átta manns. Bjarni Þór Sigurðsson, Guðrún Johnsen, Helga Ingólfsdóttir og Stefán Sveinbjörnsson eru tilnefnd af VR. Árni Stefánsson, Jón Ólafur Halldórsson og Guðrún Hafsteinsdóttir eru tilnefnd af Samtökum atvinnulífsins og Guðný Rósa Þorvarðardóttir er tilnefnd af Félagi atvinnurekenda. Stefán er formaður og Guðrún varaformaður. Seðlabankinn hafi farið fram á að stjórn lífeyrissjóðsins myndi framvegis tryggja að fullnægjandi umræða færi fram á stjórnarfundum um hæfi stjórnarmanna þegar tilefni væri til þess, og að stjórnarmönnum sé tryggður kostur á að koma á framfæri upplýsingum sem varða hæfi þeirra í tengslum við þau mál sem eru til umræðu, eftir því sem tilefni er til hverju sinni. Þá taldi Seðlabankinn að upplýsingagjöf sjóðsins til bankans vegna athugunarinnar á stjórnarháttum sjóðsins hafi verið ábótavant og misvísandi sem meðal annars tafði afgreiðslu málsins. „Seðlabankinn mun fylgjast með því að nauðsynlegar úrbætur verði gerðar,“ segir í tilkynningunni. Lífeyrissjóðir Icelandair Seðlabankinn Mest lesið Langþreytt á fasteignakeðjum sem slitna og ætlar aldrei aftur að flytja Viðskipti innlent Ben kveður Jerry Viðskipti erlent Leitin skili tekjum í ríkissjóð þó það finnist ekki olía Viðskipti innlent Slá milljarða lán til að fjármagna jarð- og sæstrengi Viðskipti innlent Heiður Anna nýr framkvæmdastjóri FS Viðskipti innlent Sleppur við vangreiðslugjaldið hjá Parka Neytendur Olíuleit geti skipt sköpum fyrir framtíð þjóðarinnar Viðskipti innlent Edda Hermanns nýr forstjóri Lyfja og heilsu Viðskipti innlent SVÓT viðtöl við alla starfsmenn: „Gerðu þetta bara!“ Atvinnulíf Laganemar bjóða leigjendum áfram upp á fría ráðgjöf Viðskipti innlent Fleiri fréttir Ben kveður Jerry Vara við díoxíni í Landnámseggjum Slá milljarða lán til að fjármagna jarð- og sæstrengi Lækkar vexti og boðar frekari innreið á lánamarkað Laganemar bjóða leigjendum áfram upp á fría ráðgjöf Heiður Anna nýr framkvæmdastjóri FS Tekur við stöðu framkvæmdastjóra Landmarks fasteignamiðlunar Olíuleit geti skipt sköpum fyrir framtíð þjóðarinnar Edda Hermanns nýr forstjóri Lyfja og heilsu SVÓT viðtöl við alla starfsmenn: „Gerðu þetta bara!“ „Gæti orðið til þess að þú sért látinn fara“ Djúpstæð vonbrigði þegar margra eigna keðjur slitna Andri Sævar og Svava til Daga Tveir nýir vörumerkjastjórar til Ölgerðarinnar Tekur við sem framkvæmdastjóri verkfræðisviðs Coripharma Ráðin framkvæmdastjóri markaðsstofu Travel Connect Sleppur við vangreiðslugjaldið hjá Parka Greiðsluáskorun Birgir til Banana Nálgast samkomulag um TikTok Spyr hvort tilefni sé til ánægju með sölu á Íslandsbanka Bætir við sig nýjum áfangastað á Ítalíu Loka verslun Útilífs í Smáralind Meðalsölutími fasteigna hundrað dagar Afbókaði dýra ferð þremur dögum fyrir brottför og fær endurgreitt „Eitt sinn var ég ekki svo lánsöm að tilheyra stóru vinkonusamfélagi“ Systurfélag ÞG verktaka kaupir Arnarland „Er nú rétt að jafna mig á slæmu Wham! blæti“ Play sé ekki að fara á hausinn Búinn að fá sig fullsaddan af þjónustunni hjá Wolt Sjá meira
Þá skammar Seðlabankinn lífeyrissjóðinn og sagði upplýsingagjöf sjóðsins til bankans hafa verið ábótavant og misvísandi. Það hafi tafið störf bankans. Seðlabankinn hóf í september athugun á stjórnarháttum hjá sjóðnum vegna álitamáls sem komu upp í tengslum við undirbúning ákvörðunar stjórnar sjóðsins um hvort hann tæki þátt í útboðinu. Fyrir útboðið var sjóðurinn stærsti hluthafinn í Icelandair og vakti því athygli að sjóðurinn ákvað að taka ekki þáttt í útboðinu. Það stóð þó tæpt. Fjórir gegn fjórum Ákvörðunin féll á jöfnum akvæðum átta stjórnarmanna. Helmingur stjórnarmanna er fulltrúi launafólks og sagði nei á meðan fulltrúar atvinnurekenda sögðu já. Guðrún Hafsteinsdóttir, varaformaður sjóðsins og forstjóri Kjörís, mælti með kaupum fyrir 2,5 milljarða. „Þarna er um að ræða lífsviðurværi þúsunda starfsmanna og starfsfólk Icelandair er einn stærsti greiðandi félagsgjalda til VR og þar með til lífeyrissjóðsins. Það kom mér því á óvart að það hafi verið fulltrúar atvinnurekenda í sjóðnum sem töluðu fyrir mikilvægi þess að verja störf félagsmanna en ekki fulltrúar launþegahreyfingarinnar,“ sagði Guðrún. Sagði rýningu hafa verið ítarlega Orð hennar féllu í grýttan jarðveg hjá Ragnari Þór Ingólfssyni, formanni VR. „Guðrún Hafsteinsdóttir ræðst með ótrúlega svívirðilegum hætti að minni persónu og fulltrúum okkar í stjórn LIVE, starfsheiðri þeirra og trúverðugleika.“ Formaðurinn Stefán Sveinbjörnsson sagði fjárfestingakost sjóðsins sjaldan hafa verið rýndan með jafn ítarlegum hætti og hlutafjárútboð Icelandair. Stjórnin hefði hist á fjórum fundum og rætt ítarlega. „Niðurstaðan var að áhættan í fjárfestingunni væri mikil og vænt ávöxtun vægi ekki upp þá áhættu. Á þeim forsendum var tekin ákvörðun um að taka ekki þátt í útboðinu.“ Seðlabankinn fylgist með Seðlabankinn tók til skoðunar hvort stjórn lífeyrissjóðsins hefði gætt að því með fullnægjandi hætti að meta hæfi einstakra stjórnarmanna við undirbúning og ákvörðun um hvort sjóðurinn tæki þátt í hlutafjárútboðinu í samræmi við kröfur laga um skyldutryggingu lífeyrisréttinda og starfsemi lífeyrissjóða og stjórnsýslulaga. Seðlabankinn segist í tilkynningu hafa aflað upplýsinga og gagna um ákvörðunarferli stjórnar sjóðsins vegna útboðsins og átti fundi með stjórnarmönnum sjóðsins þar sem farið var yfir sömu málefni. „Athuguninni er nú lokið og er niðurstaða Seðlabankans sú að stjórn lífeyrissjóðsins hafi ekki gætt að því að meta hæfi einstakra stjórnarmanna við undirbúning og ákvörðun um hvort sjóðurinn tæki þátt í hlutafjárútboði Icelandair Group hf.,“ segir í tilkynningu. Um stjórn Lífeyrissjóðs verzlunarmanna Stjórnin er skipuð átta manns. Bjarni Þór Sigurðsson, Guðrún Johnsen, Helga Ingólfsdóttir og Stefán Sveinbjörnsson eru tilnefnd af VR. Árni Stefánsson, Jón Ólafur Halldórsson og Guðrún Hafsteinsdóttir eru tilnefnd af Samtökum atvinnulífsins og Guðný Rósa Þorvarðardóttir er tilnefnd af Félagi atvinnurekenda. Stefán er formaður og Guðrún varaformaður. Seðlabankinn hafi farið fram á að stjórn lífeyrissjóðsins myndi framvegis tryggja að fullnægjandi umræða færi fram á stjórnarfundum um hæfi stjórnarmanna þegar tilefni væri til þess, og að stjórnarmönnum sé tryggður kostur á að koma á framfæri upplýsingum sem varða hæfi þeirra í tengslum við þau mál sem eru til umræðu, eftir því sem tilefni er til hverju sinni. Þá taldi Seðlabankinn að upplýsingagjöf sjóðsins til bankans vegna athugunarinnar á stjórnarháttum sjóðsins hafi verið ábótavant og misvísandi sem meðal annars tafði afgreiðslu málsins. „Seðlabankinn mun fylgjast með því að nauðsynlegar úrbætur verði gerðar,“ segir í tilkynningunni.
Um stjórn Lífeyrissjóðs verzlunarmanna Stjórnin er skipuð átta manns. Bjarni Þór Sigurðsson, Guðrún Johnsen, Helga Ingólfsdóttir og Stefán Sveinbjörnsson eru tilnefnd af VR. Árni Stefánsson, Jón Ólafur Halldórsson og Guðrún Hafsteinsdóttir eru tilnefnd af Samtökum atvinnulífsins og Guðný Rósa Þorvarðardóttir er tilnefnd af Félagi atvinnurekenda. Stefán er formaður og Guðrún varaformaður.
Lífeyrissjóðir Icelandair Seðlabankinn Mest lesið Langþreytt á fasteignakeðjum sem slitna og ætlar aldrei aftur að flytja Viðskipti innlent Ben kveður Jerry Viðskipti erlent Leitin skili tekjum í ríkissjóð þó það finnist ekki olía Viðskipti innlent Slá milljarða lán til að fjármagna jarð- og sæstrengi Viðskipti innlent Heiður Anna nýr framkvæmdastjóri FS Viðskipti innlent Sleppur við vangreiðslugjaldið hjá Parka Neytendur Olíuleit geti skipt sköpum fyrir framtíð þjóðarinnar Viðskipti innlent Edda Hermanns nýr forstjóri Lyfja og heilsu Viðskipti innlent SVÓT viðtöl við alla starfsmenn: „Gerðu þetta bara!“ Atvinnulíf Laganemar bjóða leigjendum áfram upp á fría ráðgjöf Viðskipti innlent Fleiri fréttir Ben kveður Jerry Vara við díoxíni í Landnámseggjum Slá milljarða lán til að fjármagna jarð- og sæstrengi Lækkar vexti og boðar frekari innreið á lánamarkað Laganemar bjóða leigjendum áfram upp á fría ráðgjöf Heiður Anna nýr framkvæmdastjóri FS Tekur við stöðu framkvæmdastjóra Landmarks fasteignamiðlunar Olíuleit geti skipt sköpum fyrir framtíð þjóðarinnar Edda Hermanns nýr forstjóri Lyfja og heilsu SVÓT viðtöl við alla starfsmenn: „Gerðu þetta bara!“ „Gæti orðið til þess að þú sért látinn fara“ Djúpstæð vonbrigði þegar margra eigna keðjur slitna Andri Sævar og Svava til Daga Tveir nýir vörumerkjastjórar til Ölgerðarinnar Tekur við sem framkvæmdastjóri verkfræðisviðs Coripharma Ráðin framkvæmdastjóri markaðsstofu Travel Connect Sleppur við vangreiðslugjaldið hjá Parka Greiðsluáskorun Birgir til Banana Nálgast samkomulag um TikTok Spyr hvort tilefni sé til ánægju með sölu á Íslandsbanka Bætir við sig nýjum áfangastað á Ítalíu Loka verslun Útilífs í Smáralind Meðalsölutími fasteigna hundrað dagar Afbókaði dýra ferð þremur dögum fyrir brottför og fær endurgreitt „Eitt sinn var ég ekki svo lánsöm að tilheyra stóru vinkonusamfélagi“ Systurfélag ÞG verktaka kaupir Arnarland „Er nú rétt að jafna mig á slæmu Wham! blæti“ Play sé ekki að fara á hausinn Búinn að fá sig fullsaddan af þjónustunni hjá Wolt Sjá meira