Viðskipti innlent

Kaupa hús Arion banka og stefna á flutning ráð­hússins

Atli Ísleifsson skrifar
Húsnæði Arion banka við Digranesgötu í Borgarnesi.
Húsnæði Arion banka við Digranesgötu í Borgarnesi. Já.is

Borgarbyggð hefur fest kaup á húsnæði Arion banka við Digranesgötu í Borgarnesi og er stefnt að því að ráðhús sveitarfélagsins flytjist þangað.

Þetta kemur fram á vef Skessuhorns, en Þórdís Sif Sigurðardóttir sveitarstjóri staðfestir þetta í samtali við blaðið. Hún segir að kauptilboðið sé háð ástandsskoðun.

Viðræður standa jafnframt yfir milli bankans og sveitarfélagsins um að bankinn muni leigja hluta húsnæðisins undir sitt útibú.

Í skriflegu svari til Viðskiptablaðsins segir Haraldur Guðni Eiðsson, samskiptastjóri Arion banka, að húsnæðið hafi verið of stórt fyrir bankann og því hafi verið ákveðið að selja.

Ráðhús Borgarbyggðar hefur verið til húsa við Borgarbraut 14, en mun að óbreyttu flytjast í húsnæðið við Digranesgötu.

Í frétt Viðskiptablaðsins frá því fyrr í apríl má sjá að ásett verð húsnæðisins að Digranesgötu 2 hafi verið 260 milljónir króna. Húsið hafi verið byggt árið 2005 undir starfsemi Sparisjóðs Mýrasýslu, sé á þremur hæðum og tæplega 1.200 fermetrar.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×