Viðskipti innlent

Fyrsta skóflustungan tekin að nýju húsi Ölgerðarinnar

Samúel Karl Ólason skrifar
Guðni Þór Sigurjónsson forstöðumaður vöruþróunar og gæðadeildar, Steinþór Jónasson umsjónarmaður fasteigna, Margrét Arnardóttir framkvæmdastjóri tæknisviðs, Jón Sindri Tryggvason yfirvélstjóri og Guðmundur Rúnar Benediktsson rekstrarstjóri framleiðslu.
Guðni Þór Sigurjónsson forstöðumaður vöruþróunar og gæðadeildar, Steinþór Jónasson umsjónarmaður fasteigna, Margrét Arnardóttir framkvæmdastjóri tæknisviðs, Jón Sindri Tryggvason yfirvélstjóri og Guðmundur Rúnar Benediktsson rekstrarstjóri framleiðslu.

Forsvarsmenn Ölgerðarinnar Egils Skallagrímssonar hf. tóku í morgun fyrstu skóflustunguna að nýju 1.700 fermetra húsnæði fyrirtækisins. Fjárfesting í húsnæðinu er vel á annan milljarð króna og vill Ölgerðin sýna skýran vilja til að halda framleiðslu sinni áfram hér á landi um ókomna framtíð, samkvæmt tilkynningu.

„Vöxtur Ölgerðarinnar hefur verið mikill síðustu ár og afkastageta okkar til framleiðslu var orðin of takmörkuð. Nýtt framleiðsluhúsnæði er lausnin en með því getum við ekki aðeins aukið framleiðslu okkar, heldur jafnframt gefið nýsköpun byr undir báða vængi og sýnt svart á hvítu að við ætlum okkur að vera áfram íslenskt framleiðslufyrirtæki í fremstu röð,“ segir Andri Þór Guðmundsson, forstjóri Ölgerðarinnar, í tilkynningunni.

Þar kemur fram að nýja framleiðsluhúsnæðið verði plastlaust. Ekkert plast verði notað í ytri pakkningar og þannig muni ölgerðin spara fleiri tonn af plasti á ári og verða umhverfisvænna en áður.

Þá mun nýja húsið gefa afukið svigrúm til nýsköpunar.

Svona á nýtt húsnæði Ölgerðarinnar að líta út.

„Við getum í nýja húsnæðinu verið mun sveigjanlegri en áður í pakkningum til að svara eftirspurn neytenda og leitt áfram nýsköpun á þessu sviði,“ segir Andri Þór.

Húsið verður byggt úr límtré og mun það tengjast núverandi húsnæði Ölgerðarinnar. Samkvæmt tilkynninguni er reiknað með að hundruð manna muni koma að byggingu hússins á næsta ári og það muni kosta á annan milljarð króna.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SYN
5,33
12
19.164
BRIM
4,76
17
260.514
ORIGO
2,41
18
252.150
VIS
2,21
6
57.872
EIM
2,05
2
15.025

Mesta lækkun dagsins


Félag
Br.%
Fjöldi
Velta*
ICEAIR
-1,2
70
49.732
HAGA
-1,01
8
100.242
ARION
-0,79
23
160.956
MAREL
-0,68
12
30.098
LEQ
-0,43
2
5.475
Velkomin á Vísi. Þessi vefur notar vafrakökur. Sjá nánar.