Bílar

Hugleiðingar: Mikið ekinn nýlegur bíll eða lítið ekinn eldri bíll

Kristinn Ásgeir Gylfason skrifar
Lada 110.
Lada 110.

Að því gefnu að aðrir þættir eins og öryggi og ástand sé svipað. Hvort er betra að kaupa fjögurra til fimm ára bíl sem er lítið ekinn eða eins til þriggja ára bíl sem er meira ekinn.

Spurningin er góð og erfið að svara, það eru auðvitað fleiri breytur sem þarf að taka með í reikninginn.

Almennt mun eins til þriggja ára bíll hafa nýlegri öryggisþætti, tækni og aðra virkni. Þótt að akstur bíla sýni augljóslega hversu mikið þeir hafa verið notaðir þá segir akstur ekki endilega alla söguna.

Það er hægt að fá vel viðhaldinn bíl sem hefur verið ekið um 150.000km sem er í miklu betra ásigkomulagi en bíll sem er ekinn 50.000km en hefur verið hugsað illa um. Bílar gefast ekki sjálfkrafa upp þegar þeir rjúfa 100.000km múrinn og árátta fyrir því að finna bíla með „einungis einn eiganda“ hjálpar engum. Sá eigandi gæti hafa hugsað illa um bílinn.

Ætla má að það muni vera verðmunur á milli nýrri bílsins og þess eldri, þrátt fyrir að sá yngri sé meira ekinn. Á endanum er þetta því spurning um besta bílinn sem þú getur fengið fyrir þann pening sem þú vilt setja í bílinn og hvaða þarfir þú ert með sem kaupandi.

Til að draga saman þá er ekki hægt að alhæfa um bílakaup án allra viðeigandi forsendna, sem kunna að vera huldar þegar notaðir bílar eru keyptir. Auk þess sem þarfir einstaklinga eru afar ólíkar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.