Bílar

Mercedes-Benz kynnir tæknina að baki EQS

Kristinn Ásgeir Gylfason skrifar
EQS.
EQS.

Mercedes-Benz hefur gefið út tæknilegar upplýsingar um EQS, nýtt rafdrifið flaggskip í fólksbílaflota Mercedes-Benz. Tvær gerðir rafhlaða verða í boði sem og talsverður fjöldi uppstillinga á drifrafhlöðum. Bíllinn verður heimsfrumsýndur 15. apríl, þá má vænta frekari upplýsinga um verð og annað. 

EQS byggir á EVA grunninum sem Mercedes-Benz hyggst nota í mörgum örðum undirtegundum, svosem EQE og jepplingaútgáfum áf EQS og EQE.

„Næsta kynslóð af rafbílum á lúxus og gæða markaði er byggð á sérþróuðum arkitektúr, sem er skalanlegur að öllu eyti og getur verið notaður þvert á undirtegundir. Hjólhafið og breidd, ásamt kerfiseiningum, sérstaklega rafhlöðum eru breytilegar stærðir, þökk sé hönnuninni. Bílarnir verða því eins hentugir hverjum stærðarflokki og hægt er, auk þess að vera miðaðir að framtíðinni, rafhlöðudrifnum undirtegundum,“ segir í kynningu frá fyrirtækinu.

Hámarksdrægni er um 770 km samkvæmt WLTP staðlinum. Tvær tegundir rafhlaða verða í boði, 107,8 kWh og 90 kWh. Stærri útgafan er sú sem getur skila um 770 km drægni en sú minni um 640 km.

Innra rými í Mercedes-Benz EQS.

Notast verður við NCM 811 lithium-ion sellur (nikkel, kóbalt og mangan í hlutföllunum 8:1:1) í hörðum vösum. Það eru 10 eða 12 einingar (90og 107,8 kWh útgáfur.

Hleðsla

Mercedes-Benz EQS kemur með 22kWh, þriggja fasa hleðslugetu (í Evrópu). Hraðhleðsla mun geta numið um 200 kW. Mercedes-Benz lofar að á 15 mínútum verði bíllinn kominn með 300 km drægni í stærri rafhlöðunni.

Þá mun EQS sumstaðar geta verið rafaflgjafi líka, það er að segja að hann mætti nýta til að fá rafmagn inn á heimili eða sumarbústaði. Þetta á til dæmis við í Japan. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.