Veiði

Vefsalan komin í gang hjá SVFR

Karl Lúðvíksson skrifar
SVFR

Vefsalan hjá SVFR er komin í gang og nú geta þeir sem eru ekki í félaginu keypt daga á veiðisvæðum félagsins.

Vefsalan hjá SVFR er komin í gang og nú geta þeir sem eru ekki í félaginu keypt daga á veiðisvæðum félagsins.

Reglurnar eru þannig hjá SVFR að félagsmenn hafa alltaf forgang í veiðileyfi og er það eitt af því sem gerir félagið jafn vinsælt og það er þar sem mörg svæðin sem félagið er með eru vinsæl og eftirsótt. Það gefur því að skilja að mikið af bestu dögunum eru farnir en það er engu að síður nóg eftir og inn á milli eru frábærir dagar á sumum svæðunum. 

Meðal þeirra svæði sem eru líklega mest sótt núna þegar styttist í að tímabilið byrji er til dæmis Varmá og Leirvogsá en þessar tvær eru mjög sterkar á þessum tíma þegar sjóbirtingurinn er ennþá í ánum. Þann 1. maí byrjar svo silungsveiðin á efri svæðum Elliðaánna og hefur aðsókn þar aukist mikið síðustu tvö árin enda frábært að veiða urriða í borgarlandinu. Önnur svæði opna ekki fyrr en í fyrsta lagi um mánaðarmótin maí júní og svo auðvitað eitt af öðru þegar laxveiðitímabilið byrjar. Fyrsti veiðidagur þessa tímabils er eins og alltaf 1. apríl og það eru margir veiðimenn farnir að hlakka mikið til þess að geta þanið veiðistangirnar á nýjan leik.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.