Lífið

Unga kynslóðin fór á kostum í dansi og hönnun um helgina

Sylvía Rut Sigfúsdóttir skrifar
Félagsmiðstöðin Arnardalur undirbýr atriði sitt fyrir Stíl.
Félagsmiðstöðin Arnardalur undirbýr atriði sitt fyrir Stíl. Samfés

Um helgina fóru fram tveir Samfés viðburðir sem einkenndust af miklum sköpunarkrafti og danshæfileikum ungs fólks á aldrinum tíu til átján ára af öllu landinu. Keppt var í Danskeppni Samfés og Stíl - Hönnunarkeppni unga fólksins.

Danskeppni Samfés fór fram föstudaginn 19. mars í Gamla bíó. Markmið keppninnar er að hvetja ungt fólk á landsvísu til þess að æfa dans, koma fram á viðburðinum og sýna sinn eigin dansstíl. Keppt var í einstaklings- og hópakeppni í aldursskiptum flokkum.

Í gær komu svo saman ungmenni af öllu landinu í Íþróttahúsinu Digranesi til að taka þátt í Stíl - Hönnunarkeppni unga fólksins sem fyrst var haldin árið 2001. Þemað, sem valið er af Ungmennaráði Samfés var í ár „Sirkus.” Á þessum árlega viðburði keppa félagsmiðstöðvar frá landinu öllu um bestan árangur í hárgreiðslu, förðun, gerð hönnunarmöppu og fatahönnun.

Keppendur á StílSamfés

„Markmið Stíls er að veita ungmennum vettvang til að efla sköpunar- og hönnunarhæfileika, hitta jafnaldra sína og sýna afrakstur margra mánaða undirbúningsvinnu hópsins. Margir grunnskólar landsins bjóða upp á Stíls valáfanga fyrir nemendur sína þar sem þeim býðst að vinna saman að hönnun sinni á skólatíma í samstarfi við félagsmiðstöð í heimabyggð,“ segir í fréttatilkynningu frá Samfés.

Með viðburðinum er vakin jákvæða athygli á því hvað unglingar eru að gera á sviði hönnunar og gefa þeim kost á að koma sinni hönnun og hugmyndum á framfæri á viðburðinum. Einnig kemst unga fólkið í kynni við fleiri sem hafa einnig áhuga á hönnun.

Dómnefndina á Stíl skipuðu Andrea Bergmann Halldórsdóttir, Laufey Sif Ingólfsdóttir og Kristín Gunnarsdóttir. Dómnefndina á Danskeppni Samfés skipuðu Nancy Coumba Koné, Sandra Sano Erlingsdóttir, Sandra Ómarsdóttir og Áslaug Einarsdóttir. Hér fyrir neðan má sjá helstu úrslit helgarinnar.

Hópmynd af keppenduum í danskeppni Samfés.Samfés

Úrslit Danskeppni Samfés 2021

Einstaklingskeppni 10-12 ára

  • 1) Vanessa Dalila María Rúnarsdóttir - Félagsmiðstöðin Klakinn
  • 2) Katla Líf Drífulouisdóttir Kotze - Félagsmiðstöðin 100og1
  • 3) Iðunn Hlynsdóttir – Félagsmiðstöðin 100og1

Einstaklingskeppni 13 – 16 ára

  • 1) Kristín Hallbera - Félagsmiðstöðin Bústaðir
  • 2) Inga Sóley - Félagsmiðstöðin Gleðibankinn
  • 3) Sara Rós – Hinsegin Félagsmiðstöð
Karen Emma - Félagsmiðstöðin HólmaselSamfés

Hópakeppni 10-12 ára

  • 1) Sirkus clowns – Félagsmiðstöðin Garðlandur
  • 2) Survivors - Félagsmiðstöðin 100og1
  • 3) Kleinurnar - Félagsmiðstöðin Bústaðir
Sigurvegarar 10-12 ára hópakeppni - Félagsmiðstöðin GarðalundurSamfés

Hópakeppni 13-16 ára

  • 1) XTRA LARGE
  • 2) Where is my love
  • 3) Matthildur Emma Sigurðardóttir og Guðrún Ósk Bergmann Magnúsdóttir - Félagsmiðstöðin Fjörheimar

Hópakeppni 16-18 ára

  • 1) Super kids club juniors
Félagsmiðstöðin Buskinn

Úrslit STÍLL - Hönnunarkeppni unga fólksins.

1. Sæti. Félagsmiðstöðin Garðalundur (Garðabæ). Stefanía Þóra Ólafsdóttir (módelið), Ragnhildur Elva Kjartansdóttir, Iðunn Björnsdóttir og Arna Sara Guðmundsdóttir

2. Sæti. Félagsmiðstöðin Kjarninn (Kópavogi). Nanna Katrín Hrafnsdóttir (módelið), Guðrún Emilía F Guðlaugsdóttir, Lilja María Vilhjálmsdóttir og Naima Emilía Emilsdóttir

3. Sæti. Félagsmiðstöðin Ásinn (Hafnarfirði). Kolbrún Sara (módelið), Ísabella Aníta og Elísabet Eva

Félagsmiðstöðin Garðalundur, sigurvegari Stíls 2021.Samfés

Besta förðunin – Félagsmiðstöðin Hraunið (Hafnarfjörður). Brynhildur, Nína Björk, Guðrún Eva og Elísabet Eva (módelið).

Besta hönnunarmappan – Félagsmiðstöðin Þrykkjan (Hornafjörður). Róbert Þór Ævarsson (módelið), Magndís Lóa Aðalsteinsdóttir, Sunna Lind Sævarsdóttir og Helga Kristey Ásgeirsdóttir

Flottasta hárið – Félagsmiðstöðin Arnardalur (Akranesi). Líf Ramundt Kristinsdóttir (módelið), Arina Pecorina og Kristrún Lilja Ragnarsdóttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.