Audi hættir þróun nýrra véla

Kristinn Ásgeir Gylfason skrifar 22. mars 2021 07:00

Silfurgráir Audi bílar bíða viðskiptavina á bandarískum flugvelli. Autoblog

Þýski bílaframleiðandinn Audi hefur ákveðið að hætta þróun nýrra sprengihreyfilsvéla. Audi ætlar að uppfæra þær sem eru nú þegar komnar á markað.

Markus Duesmann, yfirmaður hjá Audi hefur sagt við hið þýska Automobilewoche að ekki standi til að hanna og þróa nýjar vélar. Það þýðir að það verður enginn næsta kynslóð að sprengihreyfilsvélum. En núverandi bensín og dísil vélar verða uppfærðar eftir því sem strangari reglur um losun koltvísýrings koma til áhrifa.

Þetta ætti ekki að koma mikið á óvart. Audi hefur þegar kynnt áform um að gera kjarna bíla í framboðinu að hreinum rafbílum áður en áratugurinn er úti, það eru A4 og A6.

Í viðtalinu við Automobilewoche bætti Duesmann við að „það verði gríðarleg áskorun,“ að uppfæra núverandi vélar í takt við reglugerðarbreytingar og stífari kröfur sem koma með Euro 7 reglunum. Þær taka gildi árið 2025 og Duesmann hefur áður sagt að Audi muni einungis framleiða rafbíla frá og með 2035.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.