Atvinnulíf

Byrjar daginn á að knúsa eiginkonuna

Rakel Sveinsdóttir skrifar
Andri Þór Guðmundsson.
Andri Þór Guðmundsson. Vísir/Vilhelm

Andri Þór Guðmundsson, forstjóri Ölgerðarinnar, segir heimilishundinn Heru ekki hafa húmor fyrir því að bíða of lengi eftir morgunmatnum. Hann byrjar daginn á því að knúsa konuna sína en þessa dagana er í mörgu að snúast því framundan er stækkun Ölgerðarinnar.  

Í kaffispjalli um helgar er rætt við fólk í ólíkum störfum. Við spyrjum alltaf um það hvenær fólk vaknar á morgnana, hvað er það fyrsta sem það gerir þá og hvenær fer fólk að sofa. Við spyrjum líka um skipulagið og helstu verkefnin í vinnunni.

Hvenær vaknar þú á morgnana?

„Að jafnaði vakna ég á bilinu hálfsjö til sjö, eftir því hve vel undirbúinn ég er fyrir verkefni dagsins.“

Hvað er það fyrsta sem þú gerir á morgnana?

„Fyrsta sem ég geri er að knúsa konuna mína. Ég er ekki mikið fyrir að rjúka upp um leið og klukkan hringir. Eftir sturtu gef ég heimilishundinum Heru að borða en hún hefur ekki mikinn húmor fyrir því að vera sett aftar í röðina en það.

Eftir að hafa rennt yfir forsíður blaðanna og heimasíður helstu fréttamiðla fer ég út með hundinn og útbý ilmandi Illy kaffibolla handa minni heittelskuðu.“

Hvað er það fyrsta sem þú ætlar að gera eftir bólusetningu?

„Ég hlakka auðvitað til að knúsa mömmu almennilega, hún á sko skilið mikið af knúsum eftir þetta Covid ár.

Annars getum við ekki beðið eftir að fara á skíði til Ítalíu því Covid hafði af okkur nokkrar skíðaferðir. Við vorum einmitt að ganga frá því í gær að festa okkur skíðaferð til Madonna í byrjun næsta árs.“

Það er nóg að gera hjá Andra í vinnunni því í undirbúningi er stækkun Ölgerðarinnar.Vísir/Vilhelm

Í hvaða verkefni ertu að vinna helst í þessa dagana?

Síðustu vikur hafa farið í undirbúning á stækkun hjá okkur í Ölgerðinni. Við ætlum að byggja yfir nýja framleiðslulínu sem margfaldar afkastagetu okkur. 

Við vorum leggja lokahönd á stefnumótun fyrirtækisins til næstu þriggja ára og kynna áætlanir fyrir stjórn fyrirtækisins.“

Hvernig skipuleggur þú þig í vinnu?

„Dagarnir mínir eru flestir þéttbókaðir af fundum. Þegar ég mæti á morgnana fer ég alltaf yfir lykiltölur í rekstrinum, fylgist með daglegum sölutölum og svara ólesnum tölvupóstum frá deginum áður.

Ég nota oft kvöldin og stundum helgar til að undirbúa fundina og skipuleggja verkefnin. 

Mér finnst alltaf gott að skrifa niður verkefnin á to do lista og strika svo samviskusamlega út eftir því sem ég klára. Í stærri og flóknari verkum er ég farinn að notast við Planner.“

Hvenær ferðu að sofa á kvöldin?

„Ég er mjög samviskusamur í því að fara að sofa fyrir miðnætti og oft er ég kominn í rúmið upp úr klukkan ellefu. 

Mér þykir vænt um svefninn minn og veit að allt fer úr skorðum ef ég snuða sjálfan mig um mína sjö til átta tíma.“

Kaffispjallið

Tengdar fréttir

Er vel gift, elskar útivist og segir skapandi nálgun mikilvæga

Þessa dagana er Birna Bragadóttir, forstöðukona Elliðaárstöðvar, að setja sig inn í nýtt starf hjá OR. Í það starf var hún nýverið valin úr hópi rúmlega 170 umsækjenda til að byggja upp þjónustu og upplifun í Elliðarárdal. Birna segir morgunverkum fara fækkandi með hækkandi aldri barna en segist vel gift og því sjái eiginmaðurinn um yngsta soninn á meðan hún stundar helsta áhugamálið: Hreyfingu og útivist.

,,Að vinna á Stöð 2 á upphafsárunum var algerlega mergjað“

Það urðu allir starfsmenn á upphafsárum Stöðvar 2 að frumkvöðlum segir Jón Örn Guðbjartsson, markaðs- og samskiptastjóri Háskóla Íslands, þegar hann rifjar upp skemmtileg fyrri störf. Í þeirri upprifjun skýrir hann líka út hvers vegna hann var kallaður kommúnistinn þegar hann vann í frystihúsinu á Þingeyri. Við Valdimar son sinn ræðir hann um ofurhetjur og með Krumma hundinum sínum hlustar hann á hljóðbækur. Í vinnunni stendur yfir undirbúningur að stafrænu stuði.

Vill hafa meira gaman og minna leiðinlegt

Þegar Guðný Helga Herbertsdóttir, framkvæmdastjóri stafrænnar þróunar hjá VÍS, varð fertug setti hún sér það markmið að hafa meira gaman en minna leiðinlegt. Þetta markmið hefur gefist vel, ekki síst á tímum Covid. Guðný Helga segist vera svo mikil lista-kona í skipulagi að oft geri fjölskyldan grín að. Þá segist hún hafa lært margt af netinu, til dæmis lærði hún að prjóna af YouTube.

Endar iðulega í viðtölum við áhugavert fólk

Tinni Jóhannesson ráðningastjóri og ráðgjafi hjá Góðum samskiptum finnst gott að taka daginn snemma en það er þriggja mánaða dóttirin sem stýrir því einna helst, hvenær hann fer síðan að sofa á kvöldin. Honum finnst best að nota morgnana eða síðdegin til að skipuleggja verkefni í vinnunni en lýsir í kaffispjallinu hvernig honum fyndist fullkomin helgi vera, nú á tímum Covid.

Kisurnar „sofa annað hvort ofan á mér eða límdar upp við mig“

Svanhildur Hólm Valsdóttir, framkvæmdastjóri Viðskiptaráðs Íslands, byrjar daginn á því að klappa kisunum sínum. Hún segir eiginmanninn sofa í gegnum fyrri hluta morgunrútínunnar en vakna við ófriðinn þegar hún fer að hafa sig til. Svanhildur segist mikil listakona í skipulagi og á það til að detta í einhver ofurgír á kvöldin.  



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið