Bílar

Elon Musk svarar víðfrægri gagnrýni á Tesla

Kristinn Ásgeir Gylfason skrifar
Elon Musk 
Elon Musk  Patrick Pleul/Picture alliance/Getty Images

Elon Musk mætti til viðtals hjá Sandy Munro, verkfræðing sem fékk mikla athygli fyrir að líkja smíðagæðum Tesla Model 3 við Kia á tíunda áratug síðustu aldar. Myndband af viðtalinu má finna í fréttinni.

Sandy Munro er framleiðslusérfræðingur og einn helsti gagnrýnandi smíðagæða Tesla. Munro stofnaði fyrirtæki sem framkvæmir mælingar út frá kröfum framleiðenda til að kanna hvort hlutir standist kröfur sem gerðar eru til þeirra (e. benchmarking). Fyrirtækið heitir Munro & Associates.

Elon Musk tekur ábyrgð í viðtalinu á þeim vandkvæðum sem komið hafa upp í framleiðslu Tesla. Musk byrjar á því að segja Munro að hann sé sammála því sem hann sagði í gagnrýni sinni og að hún væri nákvæm að hans mati.

„Það tók Tesla talsverðan tíma að fínpússa framleiðsluferlið, það orsakaðist einna helst af gríðarlegum vexti í afköstum,“ sagði Musk aðspurður um gríðarlegt bil á milli hluta yfirbygginga bílanna, sem stundum hefur fundist.

„Við gerðum helling til að bæta stöðugleika bilsins á milli hluta yfirbyggingarinnar og gæði lakksins í lok síðasta árs,“ bætti Musk við.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.