Bílar

Kia eykur markaðshlutdeild sína í Evrópu

Kristinn Ásgeir Gylfason skrifar
Nýr Kia Sorento
Nýr Kia Sorento

Kia hefur náð hæstu markaðshlutdeild sem bílaframleiðandinn hefur nokkru sinni náð í Evrópu. Alls seldust 416.715 Kia bílar í Evrópu árið 2020 og hefur markaðshlutdeild Kia hækkað úr 3,2 í 3,5% í álfunni. Hlutdeild rafmagnsbíla Kia fór upp um 197% og tengiltvinnbílarbíla (Plug-in Hybrid) upp um +112%. Sala á rafbílum og tengiltvinnbílum er nú um 25% af sölu Kia bíla í Evrópu. Sala á rafbílum Kia fór 100 þúsund eintök á einu ári í fyrsta skipti í Evrópu.

Meðfylgjandi er fréttatilkynning frá Öskju.

„Kia hefur náð mjög góðum árangri í sölu í Evrópu undanfarin ár og markaðshlutdeildin hefur hækkað ár frá ári. Þetta sýnir að Kia bílar eru orðnir með vinsælustu bílum sem í boði eru á evrópska markaðnum. Það kemur ekki á óvart því Kia hefur lagt afar mikið upp úr áreiðanleika og öryggi bíla sinna sem og nýjustu tækni og góðum aksturseignleikum þeirra. Kia var m.a. fyrsti bílaframleiðandi heims til að bjóða 7 ára ábyrgð á nýjum bílum sínum sem sýnir hversu mikið traust bílaframleiðandinn ber til bíla sinna. Þessi aukna markaðshlutdeild í Evrópu er sérstaklega ánægjuleg og eftirtektarverð í ljósi þess að árið 2020 var erfitt í bílasölu um allan heim vegna Covid-19,“ segir Þorgeir Pálsson, sölustjóri Kia hjá Öskju.

Kia e-Soul

„Hér á landi var Kia með næst flestar nýskráningar fólksbíla 2020 og það er enn eitt árið sem Kia er í topp 2 yfir mestu söluna og var hlutdeildin 10%. Við hjá Bílaumboðinu Öskju erum afar stolt og ánægð af þeim árangri. Það eru spennandi tímar framundan hjá Kia og framboðið eykst enn frekar með tilkomu nýrra rafbíla og tengiltvinnbíla framleiðandans,“ segir Þorgeir ennfremur.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.