Bílar

Sjö efstu bílarnir í vali á bíl ársins í Evrópu

Kristinn Ásgeir Gylfason skrifar
Land Rover Defender 110 í sínu náttúrulega umhverfi.
Land Rover Defender 110 í sínu náttúrulega umhverfi.

Tilnefningar til verðlaunanna Bíll ársins í Evrópu árið 2021 eru komnar í hús. Alls voru 29 bílar sem komu til greina en dómnefnd hefur skilað endanlegum tilnefningum og eru sjö bílar sem koma til greina.

Bílarnir sjö eru í stafrófsröð:

Citroën C4

Cupra Formentor

Fiat New 500

Land Rover Defender

Skoda Octavia

Toyota Yaris

Volkswagen ID.3

Dómnefnd

Dómnefndin samanstendur af 60 blaðamönnum frá 23 löndum sem prófa bílana 29. Brexit hefur engin áhrif á það að Bretar eiga sex fulltrúa. Tilkynnt verður um val á Bíl ársins í Evrópu þann 1. mars.

Hönnun, þægindi, öryggi, eldsneytisnotkun, aksturseiginleikar, frammistaða, notagildi, akstursánægja og verð eru meðal þess sem dómarar nota til að dæma bílana. Þar að auki er horft til tæknilegra nýjunga og hversu mikið kaupendur eru að fá fyrir peninginn.

Bílar sem fáir blaðamannanna hafa ekið koma ekki til greina. Þessi regla hefur meiri áhrif nú en áður, vegna Covid. Ferrari SF90 og Rolls-Royce Ghost eru meðal bíla sem koma ekki til greina vegna þessa.

Jürgen Stackmann, sölustjóri Volkswagen og ID.3.

Einungis einn hreinn rafbíll

Áhugavert er hversu fjölbreyttir bílar eru tilnefndir. Einungis einn hreinn rafbíll er tilnefndur, það er Volkswagen ID.3.

Allar útfærslur af hinum rómaða MQB grunni Volkswagen voru meðan hinna 29 upprunalegu, það eru Skoda Octavia, Seat Leon, Volkswagen Golf og Audi A3. En Octavia er bíllinn sem hlýtur tilnefningu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.