Straumar og stefnur atvinnulífsins 2021

Rakel Sveinsdóttir skrifar 8. janúar 2021 07:01

Margt frá árinu 2020 er komið til að vera í atvinnulífinu og mun hafa þau árhrif að nýjar áherslur verða til hjá starfsfólki og vinnuveitendum. Vísir/Getty

Atvinnulífið mun taka margt með sér frá árinu 2020 og það telst varla fréttnæmt í dag að fjarvinna er komin til að vera. En hver verða „trendin" árið 2021 og hvaða áherslur verða einkennandi fyrir atvinnulífið?

Hér er samantekt með sex atriðum úr ýmsum alþjóðlegum könnunum sem gerðar voru undir árslok árið 2020.

1. Heilsa og öryggi starfólks í fyrirrúmi

Árið 2021 er líklegt að fólk muni gera meiri kröfur en áður um að vinnustaðir setji öryggið á oddinn. Sérstaklega er horft til þess tíma þegar fleiri fara að mæta á vinnustaði á ný.

Vinnustaðir munu að sama skapi leggja meiri áherslu en áður á andlega heilsu starfsfólks, ekki aðeins líkamlega. Þessu tengt muni vinnustaðir fara að bjóða meira upp á ráðgjöf og fleira til að tryggja og efla góða heilsu og líðan starfsfólks.

2. Áfram áhersla á fjölbreytileika

Margir stærri vinnustaðir hafa mótað sér stefnu um aukinn fjölbreytileika en því er spáð að áherslan á fjölbreytileikann muni enn aukast árið 2021. Ekki síst í Bandaríkjunum þar sem vinnustaðir draga lærdóm af George Floyd-mótmælunum í fyrra.

3. Sveigjanlegur vinnutími

Þessa dagana er nokkur umræða um styttingu vinnuvikunnar á Íslandi en almennt er því spáð að kröfur um aukinn sveigjanleika muni einkenna árið 2021.

Þessi áhersla tengist fjarvinnu sérstaklega þar sem alþjóðlegar kannanir sýna að áhugi flestra virðist vera að nýtt fyrirkomulag verði einhvers konar „blanda“ af því að mæta á vinnustaðinn eða vinna að heiman.

Þetta er í takt við þær niðurstöður sem kannanir Gallup sýna og gerðar voru fyrir Atvinnulífið 2020. Í þeim sýna niðurstöður að flestir sem starfað hafa í fjarvinnu árið 2020, hafa áhuga á að halda því áfram tvo til þrjá daga í viku.

4. Hraði stafrænnar þróunar eykst

Stafræn þróun heldur áfram að vera áberandi í atvinnulífinu en á mun meiri hraða en síðustu ár. Hraðari þróun er bein afleiðing af heimsfaraldrinum og þeim áhrifum sem Covid 19 hefur haft á atvinnulífið um allan heim.

5. Meiri stuðningur við starfsfólk frekar en endurnýjun

Í stað uppsagna og endurnýjunar starfsfólks er gert ráð fyrir að vinnustaðir muni í meira mæli en áður leggja áherslu á stuðning í formi kennslu og þróunar en áður.

Þetta er í takt við það sem viðmælendur Atvinnulífsins hafa sagt á liðnum mánuðum því breytingar í kjölfar fjórðu iðnbyltingarinnar eru að kalla á að starfsfólk þarf að læra nýja tækni, verkferlar munu breytast og fleira.

6. Breytt umhverfi rekstrar

Þá er því spáð að vinnustaðir muni víða þurfa að bregðast við nýju umhverfi rekstrar, t.d. nýjum reglugerðum sem settar verði. Þá verði gripið til ýmissa breytinga, ekki síst til að létta á álagi stoðdeilda vinnustaða eins og starfsmannahaldi, bókhaldi og fleira.

Vinnumarkaður Vinnustaðurinn Vinnustaðamenning Stjórnun Fjarvinna Faraldur kórónuveiru (COVID-19) Stytting vinnuvikunnar

Tengdar fréttir

Vélrænt nám mun hafa áhrif á öll fyrirtæki

Vélrænt nám mun hafa áhrif á öll fyrirtæki, stór sem smá og það er ekki eftir neinu að bíða með að nýta sér þessa tækni. Sem dæmi má nefna hvernig vélrænt nám getur dregið úr brottfalli viðskiptavina.

18. nóvember 2020 07:01

Aðeins toppurinn á ísjakanum sjáanlegur í kjölfar Covid

Vinnustaðir eru aðeins að sjá toppinn á ísjakanum hvað varðar áhrif Covid á líðan starfsfólks. Einangrunin, fjarvinnan og samkomubann eru allt atriði sem eru að hafa áhrif á fólk sem ekki sér alveg fyrir endann á enn þá hvaða afleiðingar muni hafa.

17. nóvember 2020 07:01

Störfum í hátæknivöruhúsi fækkar en ný störf verða til

Nýtt hátæknivörurhús hefur verið tekið í notkun hjá Innnes. Þar munu róbótar taka við ýmsum verkefnum og störfum fækkar. En ný störf verða einnig til.

13. október 2020 08:08

Stjórnun: Virkar jákvæð sálfræði á tímum kórónufaraldurs?

Jákvæð sálfræði er eitthvað sem atvinnulífið hefur lært að þekkja og heyra um síðustu árin. En út á hvað gengur hún og er þetta aðferðarfræði sem virkar á tímum eins og þessum? Ingrid Kuhlman segir jákvæða forystu skipta miklu máli.

14. október 2020 07:06

Gantast á Teams og nýir ráðningasamningar með fjarvinnu

Það er ekki mögulegt fyrir allt starfsfólk að vinna í fjarvinnu en þar sem hún er möguleg hefur tæknin skipt sköpum. Þannig hefur félagslegi hlutinn þurft að færa sig yfir á Teams og Facebook þar sem reynt er að skapa jákvæða stemningu í stað þess félagsskapar sem fólk er vant að sækja á vinnustaði sína.

22. október 2020 07:01

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.