Fjöldi kaupsamninga um fasteignir vel yfir meðaltalinu

Fjöldi þinglýstra kaupsamninga um fasteignir á höfuðborgarsvæðinu í síðustu viku var 131. Þetta er töluvert yfir vikumeðaltalinu undanfarna þrjá mánuði sem er 107 samningar.

Á vefsíði Þjóðskrár Íslands segir að af þessum 131 samning voru 100 samningar um eignir í fjölbýli, 21 samningur um sérbýli og 10 samningar um annars konar eignir en íbúðarhúsnæði.

Heildarveltan var rétt rúmlega 4 milljarðar króna og meðalupphæð á samning 30,9 milljónir króna. Til samanburðar má nefna að veltan á viku að meðaltali undanfarna þrjá mánuði hefur verið 3,4 milljarðar kr.