Celeb Þórhildur Elín Elínardóttir skrifar 6. mars 2007 06:00 Loks hefur það ræst sem marga grunaði: Angeline Jolie vill eignast eitt barn í viðbót við þau þrjú sem hún á fyrir. Það virðist ekki meira en vika síðan hún var ólétt, í gær var hún í flóttamannabúðum í Súdan og í dag er hún sem sagt komin til Víetnam til að ættleiða fjórða barnið. Röskari manneskja er vandfundin. Beyoncé er ekki með lifrarbólgu A, hjúkk! Ég var farin að óttast það versta. Frú Beckham er næstum búin að finna skóla fyrir syni sína þrjá, best líst henni á einn kaþólskan. Úr því litli drengurinn hennar er flogaveikur er eins gott að hún vandi valið. Britney er náttúrulega líka eitthvað lasin að raka svona hárið af sér, sennilega þjáist hún af fæðingarþunglyndi eins og hún lætur. Eins gott að Katie Holmes fékk það ekki, Tom hefði örugglega orðið fyrir svakalegum vonbrigðum! Annars fréttist að Britney sé í rosalega góðum málum núna en líka að hún sé í rosalega vondum málum. Þau Kevin eru kannski bara farin að digga saman aftur, enda hefur hann lýst ást sinni á henni og sagður sá eini sem hefur staðið við bakið á henni. Sumir hafa hann samt enn grunaðan um að vera bara á eftir peningum og frægð. Sem var einmitt það sem Önnu Nichole Smith hlotnaðist, hið síðarnefnda einkum eftir dauðann. Lögfræðingurinn og mamman hafa líka orðið fræg af opinberum rifrildum um barnið og líkið. Hver fékk líkið? Hver fær barnið? Sú var tíð að ég las í það minnsta tvær bækur á viku, allt frá sorpi að fagurbókmenntum og fræðiritum. Með barnafjöld, annríki og síauknum athyglisbresti hefur raunverulegur lestur orðið æ sjaldgæfari en viðvarandi þörf svalað í daglegri dagblaðahrúgu. Fljótlegustu fréttirnar eru oftast af fræga fólkinu sem margt er einmitt frægt fyrir að vera í fréttum. Nauðug viljug veit ég allt um ferðir Lindsay Lohan inn og út af meðferðarstofnunum, djammtúra Parisar Hilton og ástamál fólks sem ég hef ekki snefil af áhuga á. Að vera betur að sér í persónulegu brasi fræga fólksins en ættingja og vina sem enginn tími er til að sinna, bendir ekki til þess að maður hafi alveg höndlað upplýsingatæknina. Það verður spennandi að sjá hvort Angelina fær strák eða stelpu. Viltu birta grein á Vísi? Sendu okkur póst. Senda grein Þórhildur Elín Elínardóttir Mest lesið Á hvaða ári er Inga Sæland stödd? Snorri Másson Skoðun 76 dagar Erlingur Sigvaldason Skoðun Draugagangur í Alaska Hannes Pétursson Skoðun Háskólaþorpið Bifröst og fólkið sem gleymdist Margrét Jónsdóttir Njarðvík Skoðun Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun Húsnæðisbæturnar sem hurfu Ragnar Sigurður Kristjánsson Skoðun Sporin þín Valtýr Soffía Sigurðardóttir Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun Hunsuðu menntamálin – en ætla nú að bjarga þeim Sigurður Kári Harðarson Skoðun
Loks hefur það ræst sem marga grunaði: Angeline Jolie vill eignast eitt barn í viðbót við þau þrjú sem hún á fyrir. Það virðist ekki meira en vika síðan hún var ólétt, í gær var hún í flóttamannabúðum í Súdan og í dag er hún sem sagt komin til Víetnam til að ættleiða fjórða barnið. Röskari manneskja er vandfundin. Beyoncé er ekki með lifrarbólgu A, hjúkk! Ég var farin að óttast það versta. Frú Beckham er næstum búin að finna skóla fyrir syni sína þrjá, best líst henni á einn kaþólskan. Úr því litli drengurinn hennar er flogaveikur er eins gott að hún vandi valið. Britney er náttúrulega líka eitthvað lasin að raka svona hárið af sér, sennilega þjáist hún af fæðingarþunglyndi eins og hún lætur. Eins gott að Katie Holmes fékk það ekki, Tom hefði örugglega orðið fyrir svakalegum vonbrigðum! Annars fréttist að Britney sé í rosalega góðum málum núna en líka að hún sé í rosalega vondum málum. Þau Kevin eru kannski bara farin að digga saman aftur, enda hefur hann lýst ást sinni á henni og sagður sá eini sem hefur staðið við bakið á henni. Sumir hafa hann samt enn grunaðan um að vera bara á eftir peningum og frægð. Sem var einmitt það sem Önnu Nichole Smith hlotnaðist, hið síðarnefnda einkum eftir dauðann. Lögfræðingurinn og mamman hafa líka orðið fræg af opinberum rifrildum um barnið og líkið. Hver fékk líkið? Hver fær barnið? Sú var tíð að ég las í það minnsta tvær bækur á viku, allt frá sorpi að fagurbókmenntum og fræðiritum. Með barnafjöld, annríki og síauknum athyglisbresti hefur raunverulegur lestur orðið æ sjaldgæfari en viðvarandi þörf svalað í daglegri dagblaðahrúgu. Fljótlegustu fréttirnar eru oftast af fræga fólkinu sem margt er einmitt frægt fyrir að vera í fréttum. Nauðug viljug veit ég allt um ferðir Lindsay Lohan inn og út af meðferðarstofnunum, djammtúra Parisar Hilton og ástamál fólks sem ég hef ekki snefil af áhuga á. Að vera betur að sér í persónulegu brasi fræga fólksins en ættingja og vina sem enginn tími er til að sinna, bendir ekki til þess að maður hafi alveg höndlað upplýsingatæknina. Það verður spennandi að sjá hvort Angelina fær strák eða stelpu.
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Hoppað í drullipolli við hliðina á Snorra Mássyni. Um allskonar fólk, líka í Miðflokknum Ægir Lúðvíksson Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun