11,2 milljarða króna afgangur á vöruskiptum við útlönd fyrstu tvo mánuði ársins

Í febrúarmánuði voru fluttar út vörur fyrir 41,3 milljarða króna og inn fyrir 37,3 milljarða en þetta kemur fram í frétt hjá Hagstofu Íslands.  



Vöruskiptin í febrúar voru því hagstæð um 4,0 milljarða króna. Í febrúar 2013 voru vöruskiptin hagstæð um 6,1 milljarð króna.

Fyrstu tvo mánuðina 2014 voru fluttar út vörur fyrir 89,3 milljarða króna en inn fyrir 78,2 milljarða króna.

Afgangur var því á vöruskiptum við útlönd sem nam tæpum 11,2 milljörðum króna, en á sama tíma árið áður voru þau hagstæð um 17,3 milljarða á gengi hvors árs.

Vöruskiptajöfnuðurinn var því  6,2 milljörðum króna lakari en á sama tíma árið áður.