Stjórn Advania uppfyllir ákvæði laga um kynjahlutföll

Stjórn Advania hf. var endurkjörin á aðalfundi félagsins 27. mars 2014 en þetta kemur fram í fréttatilkynningu frá Advania.

Aðalmenn eru Anna Rún Ingvarsdóttir, Finnbogi Jónsson, Katarina Burton, Kristinn Pálmason og Þór Hauksson.

Varastjórn skipa Erna Eiríksdóttir og Kristján Ágústsson, sem kom nýr inn. Finnbogi Jónsson er eftir sem áður stjórnarformaður.

Stjórn og varastjórn Advania uppfylla ákvæði laga um kynjahlutföll í stjórnum hlutafélaga.

Konur eru 40% stjórnarmanna í aðalstjórn og 50% í varastjórn. Konur eru í dag tæplega þriðjungur starfsfólks og stjórnenda hjá Advania.

Það er nokkuð hátt hlutfall, en hefðbundið hlutfall kvenna í upplýsinga-tæknifyrirtækjum er 10-15% samkvæmt upplýsingum frá Félagi kvenna í upplýsingatækni.

Advania hefur virka jafnréttisstefnu og konum hefur fjölgað hjá fyrirtækinu um 4% undanfarin tvö ár.