Stundar aldrei kynlíf fyrir leiki

Ofurfyrirsætan Kate Upton er óhrædd að tjá sig um sín persónulegu málefni.

Upton er í þriðja sinn á forsíðu sundfataheftis Sports Illustrated og er því víða í viðtölum þessa dagana að auglýsa tímaritið.

Hún er unnusta hafnaboltastjörnunnar Justin Verlander en hann er kastari hjá Detroit Tigers.

Það eru skiptar skoðanir um hvort það sé gott eða vont fyrir íþróttamenn að stunda kynlíf daginn fyrir leiki en Verlander er einn þeirra sem trúir því að það sé slæmt.

„Það er aldrei kynlíf fyrir leiki. Það bara kemur ekki til greina,“ sagði Upton í sjónvarpsþætti á dögunum og bætti við að ef vel gengi hjá Verlander væri ekki heldur kynlíf eftir leiki.

„Ef hann spilar of vel er heldur ekki neitt kynlíf. Hann er búinn á því. Ekki sérstaklega gott fyrir mig.“

Þá vitum við það.