Kia framlengir ábyrgðartíma

Kristinn Ásgeir Gylfason skrifar 30. apríl 2020 07:00

Kia hefur framlengt ábyrgðartíma allra ökutækja með upphaflegri 7 ára ábyrgð frá Kia sem hefði runnið út milli 1. febrúar til og með 31. maí 2020. Þetta er gert vegna ástands sem skapast hefur vegna COVID 19.

Kia framlengir því ábyrgðartíma allra ökutækja sem uppfylla þessi skilyrði til og með 30. júní 2020 samkvæmt fréttatilkynningu frá Öskju. Með því vilja Kia og Bílaumboðið Askja, umboðsaðili Kia á Íslandi, koma til móts við eigendur Kia bifreiða sem gátu ekki farið með ökutæki sín í viðgerðir á ábyrgðartíma þeirra. Eigendum þessara bíla verður send tilkynning þessa efnis en umræddar bifreiðar voru skráðar árið 2013.

Bílaumboðið Askja minnir á að nú eru bílaviðgerðir hluti af átakinu Allir vinna. Nú geta einstaklingar því sótt um endurgreiðslu á virðisaukaskatti vegna vinnu við viðgerðir á fólksbifreiðum fari hún yfir 25.000 kr. auk virðisaukaskatts. Enn fremur bíður Askja 10% afslátt af Kia varahlutum samhliða viðgerðum. Askja er staðsett á Krókhálsi 11-13 og þar er fullkomið bílaverkstæði fyrir Kia bifreiðar til húsa.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.