Grunnur dráttarvaxta lækkaði um 0,75% við síðustu stýrivaxtaákvörðun Seðlabanka Íslands hinn 3. nóvember sl. og því lækka dráttarvextir úr 13,25% í 12,50% fyrir tímabilið 1. - 31. desember 2010.
Þetta kemur fram í mánaðarlegri tilkynningu bankans um dráttarvexti og vexti af peningakröfum. Frá og með 1. desember 2010 verða vextir sem hér segir:
Vextir af óverðtryggðum lánum lækka úr 6,30% í 5,75%.
Vextir verðtryggðra lána lækka úr 4,80% í 4,70%.
Vextir af skaðabótakröfum lækka úr 4,20% í 3,85%.
