Viðskipti innlent

Skúli: Bensínlækkunin skref í rétta átt

BBI skrifar
Skúli Helgason, þingmaður Samfylkingar.
Skúli Helgason, þingmaður Samfylkingar.
Íslensk olíufélög hafa lækkað verð á bensínu um allt að 5 krónur síðan fyrir helgi. „Það er skref í rétta átt, en þetta brúar engan veginn það bil sem ég var að tala um," segir Skúli Helgason, þingmaður Samfylkingar, sem hefur bent á að álagning íslenskra olíufélaga sé allt að tvöfalt hærri en þekkist á norðurlöndunum.

Álagning íslensku olíufélaganna hafði aukist smátt og smátt í maí og var komin upp í 36 kr. á lítrann miðað við t.d. 18 kr. í Svíþjóð. Skúli Helgason fullyrti þetta á bloggi sínu í síðustu viku. Hann telur að flutningskostnaður á Íslandi og smæð markaðarins geti skýrt muninn á álögunum að einhverju leyti. Engu að síður taldi hann olíufélögin hafa svigrúm til að lækka bensínverð um 15-20 kr.

„Samkeppnin hér er náttúrlega engan veginn ásættanleg," segir Skúli og telur þessa fimm krónu lækkun olíufélaganna „skref í rétta átt en engan veginn nóg."


Tengdar fréttir

Tvöfalt meiri álagning á bensín á Íslandi

Álagning olíufélaganna á bensínverð er tvöfalt meiri á Íslandi en í Svíþjóð og 30% meiri en í Danmörku. Þetta sagði Skúli Helgason, þingmaður Samfylkingarinnar, í útvarpsþættinum Reykjavík Síðdegis í dag.

Orkan og Atlantsolía lækkuðu verð

Orkan lækkaði bensínverð um tvær krónur í morgun og Atlantsolía um sömu upphæð skömmu síðar. Bensínlítrinn hjá þessum félögum kostar nú röskar 248 krónur. Verð á Dísilolíu er óbreytt hjá báðum félögunum og er það nú alveg álíka og bensínverðið. Félögin lækkuðu bensínverðið um þrjár krónur fyrir helgi þannig að það hefur lækkað um samtals fimm krónur á nokkrum dögum. Þessar lækkanir koma í kjölfar lækkunar á heimsmarkaði, en þær héldu enn áfram í morgun.



Mest lesið


Fleiri fréttir

Sjá meira


×

Mest lesið