Friðfinnur Ragnar neitar sök í innherjamáli

Friðfinnur Ragnar Sigurðsson, fyrrverandi framkvæmdastjóri fjárstýringar Glitnis, lýsti yfir sakleysi sínu í dag, þegar mál sérstaks saksóknara gegn honum var þingfest í Héraðsdómi Reykjaness. Friðfinnur er ákærður fyrir innherjasvik, en honum er gefið að sök í ákæru að hafa selt hlutabréf sín í Glitni fyrir um 20 milljónir, er hann vissi um að bága stöðu bankans. Þetta er annað innherjamálið sem ákært er vegna frá hruni fjármálakerfisins, en Baldur Guðlaugsson, fyrrverandi ráðuneytisstjóri í fjármálaráðuneytinu, var fyrr á þessu ári dæmdur í Hæstarétti í tveggja ára óskilorðsbundið fangelsi.

Friðfinnur var einn þeirra starfsmanna sem fengu há lán frá Glitni á fyrra hluta árs 2008 en einkahlutafélag hans fékk 171 milljón króna að láni. Það var síðan úrskurðað gjaldþrota í fyrra sumar, en ekkert fékkst upp í um 300 milljóna króna skuld.

Málið verður tekið fyrir að á nýjan leik í dómsal síðar á árinu.