Hægri hönd Opruh á Íslandi

Jonathan Sinclair, aðstoðarforstjóri og framleiðandi hjá Harpo Studios, framleiðslufyrirtæki Opruh Winfrey er kominn til landsins til að fjalla um breytingar á fjölmiðlaumhverfinu og hvernig markaðsfólk þarf að takast á við breytta neytendahegðun.

Fyrir um ári síðan hætti Oprah Winfrey með viðtalsþætti sína sem nutu gífurlegra vinsælda um árabil, en í dag rekur hún sína eigin sjónvarpsstöð, OWN (Oprah Winfrey Network) og Harpo Studios. Oprah hafði byggt upp sterka tengingu við áhorfendur sína með þættinum, en það hefur verið mikil áskorun að halda þessari tengingu sterkri eftir lok þáttanna. Jonathan mun deila því með áhorfendum hvernig þau tóku á þeirri áskorun til að styrkja vörumerki Oprah og OWN í breyttu fjölmiðlaumhverfi og tengsl þess við neytendur. Hvernig þau sköpuðu nýja upplifun á vörumerkinu sem samnýtti alla samskiptamiðla, ekki einungis sjónvarp. Hvernig ferlið þróaðist fram að síðasta viðtalsþætti Oprah og hvernig nýja sjónvarpsstöðin stefnir á auka upplifun með samþættri nýtingu miðla, bæði þá hefðbundnu og óhefðbundnu eins og samfélags miðla.

Sinclair heldur fyrirlestur á vegum ÍMARK klukkan 11.30–13.00 í Norðurljósum í Hörpu.