Svafa fylgir Róberti

Þrír nýir framkvæmdastjórar hafa verið ráðnir til bandaríska samheitalyfjafyrirtækisins Alvogen. Allt eru þetta reynslu­boltar úr lyfjageiranum. Svafa Grönfeldt, fyrrverandi framdastjóri hjá Actavis og fyrrverandi rektor Háskólans í Reykjavík, verður ein af fimm í stjórn fyrirtækisins en hún mun hafa umsjón með uppbyggingu, tækni og mannaráðningum.

Hinir tveir eru Elin Gabriel, sem verður rekstrarstjóri, og Kevin Bain, sem tekur stöðu fjármálastjóra hjá Alvogen. Þau hafa sömuleiðis unnið hjá Actavis.

Róbert Wessman, fyrrverandi forstjóri Actavis, er stjórnarformaður Alvogen og á þriðjungshlut í fyrirtækinu. - jab