Verður þetta dýrasti Fiatinn?

Dýrasti Fiat bíll sem seldur hefur verið fór á 127 milljónir króna á uppboði árið 2015 og var 1953 árgerð 8V Cabriolet hönnuðum af Vignale. Þessi bíll, sem er af sömu árgerð og af gerðinni 8V Supersonice hönnuðum af Ghia fer brátt á uppboð hjá RM Southeby í Bandaríkjunum og er búist við að 1,9 milljónir dollara fáist fyrir hann, eða 205 milljónir króna.

Það myndi gera hann að langdýrasta Fiat bíl sem selst hefur. Hann er líka í fullkomnu ásigkomulagi. Fiat framleiddi aðeins 15 eintök af þessum bíl og þessi bíll var sá tíundi í röðinni. Hér fer því sannarlega söfnunareintak og það af fegurri gerðinni. Þessi sami bíll stóð á pöllunum hjá Fiat á bílasýningunni í Genf árið 1954.

Þessi bíll var síðan fluttur til Bandaríkjanna af formanni stjórnar Chrysler, K.T. Keller, en ekki kemur fram hvenær. Bíllinn var fyrir það í eigu Paul Lazaros sem færði hann í þá í fullkomið ástand og árið 2007 fékk hann aftur mikla yfirhalningu og var vél og skipting bílsins endurbyggð, sem og fjöðrun og innrétting.