Viðskipti innlent

Bláfugl í eigu Avia Solutions Group

Stefán Ó. Jónsson skrifar
Bláfugl sérhæfir sig í fraktflutningum.
Bláfugl sérhæfir sig í fraktflutningum. bluebird

Kaup Avia Solutions Group á Bláfugli ehf. eru gengin í gegn. Seljandinn, BB Holding ehf. í eigu þeirra Steins Loga Björnssonar, Hannesar Hilmarssonar, Geirs Vals Ágústssonar og Stefáns Eyjólfssonar, hefur fengið kaupverðið greitt sem þó er ekki gefið upp í tilkynningu sem send er út vegna kaupanna.

Steinn Logi mun áfram gegna forstjórastöðu hjá Bláfugli til loka aprílmánaðar en Sigurður Örn Ágústsson verður stjórnarformaður nýrrar stjórnar.

Nánari upplýsingar um starfsemi umræddra félaga, eins og þær birtast í fyrrnefndri tilkynningu, má sjá hér að neðan.

Sigurður Örn Ágústsson, stjórnarformaður nýrrar stjórnar.bluebird

Um Bláfugl ehf / Bluebird Nordic.

Bláfugl starfar undir hjáheitinu Bluebird Nordic. Félagið var stofnað árið 1999 og hóf flugstarfsemi árið 2001 með íslenskt flurekstrarleyfi. Félagið hefur verið með allt að 8 B737 fraktflugvélar í rekstri.

Bluebird Nordic starfar einkum á s.k. blautleigumarkaði (e. Wet Lease) erlendis og flýgur þá fyrir önnur félög s.s. DHL, UPS og ASL/FedEx og fleiri.

Bluebird Nordic býður upp á daglegt fraktflug milli Íslands og Dublin á Írlandi, með tengingar áfram til Kölnar og Liege. Jafnframt býður félagið, í samstarfi við UPS, Emirates og Aer Lingus, upp á tengingar til og frá Írlandi um allan heim, þ.m.t. til N-Ameríku og Asíu. Bluebird Nordic hefur haldið óbreyttri áætlun til og frá Íslandi og hefur náð að tryggja að þjónusta flutnings til og frá landinu verði fyrir sem minnstri truflun, hvort sem er útflutningur á fiski eða innflutningur á lyfjum og matvælum.

Hjá félaginu starfa um 100 manns.

Um Avia Solutions Group

Avia Solutions Group er stærsta fyrirtæki Mið-og Austur Evrópu í flugtengdri þjónustu. ASG er með um 90 skrifstofur og starfsstöðvar í um 50 löndum. Hjá félaginu og dótturfyrirtækjum starfa um 5.000 manns, tekjur 2019 námu um 1,5ma €. og starfar á flestum sviðum flugtendrar starfsemi. Dótturfélög Avia Solutions Group starfrækja m.a. flugvélaleigu (e. ACMI), viðhald flugvéla (e. MRO) og kaup og sölu flugvéla. Þá býður félagið upp á nám og námskeið fyrir flugmenn og flugfreyjur, m.a. í flughermum, starfrækir fjölda viðhaldsstöðva, leiguflugmiðlun, eldsneytissölu, flugafreiðslustöðvar og fleira tengt flugi. Höfuðstöðvar fyrirtækisins eru á Kýpur en stærsta starfsstöðin er í Litháen



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
TM
3,82
11
225.684
SYN
3,65
9
11.564
ARION
1,51
50
1.351.374
EIM
1,49
5
611
KVIKA
1,43
3
32.124

Mesta lækkun dagsins


Félag
Br.%
Fjöldi
Velta*
ICEAIR
-8,33
78
16.099
SIMINN
-4,19
19
295.432
FESTI
-2,31
9
51.897
EIK
-1,66
5
23.047
SJOVA
-1,45
12
46.997
Velkomin á Vísi. Þessi vefur notar vafrakökur. Sjá nánar.