Fyrir og eftir kórónuveiruna: Sjö atriði sem gætu breyst varanlega Rakel Sveinsdóttir skrifar 19. mars 2020 15:24 Það verður eflaust margt sem breytist varanlega með kórónuveirunni. Vísir/Getty Eflaust munum við seinna tala um „fyrir og eftir kórónuveiruna“ enda svo margt sem er líklegt til að breytast varanlega í kjölfar heimsfaraldursins sem nú kollríður öllu. Margt verður leyst með þróun snertilausra tækni en margir velta líka fyrir sér hvað í okkar eigin hegðun eða samskiptum muni breytast og verða aldrei eins og áður var? Hér eru sjö dæmi um hluti sem gætu breyst í vinnuumhverfinu. 1. Handabandið Að takast í hendur við ókunnuga þegar við heilsumst er siður sem margir spá að leggist niður að mestu í kjölfar kórónuveirunnar. Fólk mun hreinlega þróa nýjar hefðir. Þaðan af síður er talið líklegt að fólk muni heilsa ókunnugum með kossi. 2. Fundarmenningin breytist Margir spá því að fjarvinna muni aukast verulega og það til framtíðar. Þessi þróun þýðir varanleg breyting á fundarmenningu vinnustaða. Fjarfundir eru komnir til að vera og eins aukin rafræn samskipti samstarfsmanna á milli. 3. Hópeflisviðburðir og starfsmannafagnaðir Að forðast fjöldaforföll er eitthvað sem vinnustaðir eru að kynnast í fyrsta sinn. Alls staðar er verið að aðskilja starfsfólk til að koma í veg fyrir að of margir smitist í einu. Í þessum efnum heyrast spámenn segja að fyrirtæki muni setja sér nýjar stefnur um hópasamkomur starfsmanna. Þetta geti þýtt breytingar á viðburðum eins og hópefli deilda eða fjölmennum starfsmannahátíðum. 4. Atvinnuviðtöl Í stað þess að hitta marga umsækjendur sem sækja um starf er því spáð að mannauðstjórar fari í auknum mæli að nýta sér sérhæfð tæknifyrirtæki sem byggja á rafrænum viðtölum og fundarbókunum og voru upphaflega ætluð til að spara stjórnendum tíma. Í framtíðinni verði sá háttur á að aðeins einstaklingar í lokaúrtaki umsækjenda muni hitta stjórnendur því það verði liður í því að forðast óþarfa traffík ókunnugra inn á vinnustaði. 5. Ráðstefnur, vörusýningar og tengslanetsmyndun Ýmsir vilja meina að stórar ráðstefnur og vörusýningar muni heyra sögunni til. Sérstaklega eigi þetta við um mjög fjölsótta viðburði, til dæmis árlega tæknisýningu sem haldin er í Las Vegas þar sem gestir koma að alls staðar af úr heiminum. Breyting á viðburðum sem þessum mun þá samhliða þýða að tengslanetsmyndun mun færast meira yfir á rafrænt form. 6. Við hættum að mæta slöpp í vinnuna Íslendingar þekkja þetta vel: Við mætum slöpp (veik!) til vinnu og sjáum þegar á líður daginn hvort við hristum ekki slappleikann af okkur. Eftir kórónuveiruna mun fólk líta á smithættu öðruvísi en áður. 7. Endurmenntun starfsmanna Að sækja sér nýja þekking á fjölsóttum námskeiðum, málþingum, vinnustofum eða öðru er sagt að muni færast meira yfir á rafrænt form. Þetta gæti hljómað eins og einhvers konar niðurskurður en fari svo að þetta verði þróunin, er líklegt að hún þýði einnig að á alþjóðavísu verði auðveldara að sækja sér ýmsa þekkingu sem hefur verið of dýrt eða flókið að sækja sér hingað til. Samhliða þessu mun tengslanetsmyndun breytast og hætta að verða jafn algeng auglitis til auglitis. Stuðst var meðal annars við samantekt Forbes við vinnslu greinarinnar. Fréttin hefur verið uppfærð. Faraldur kórónuveiru (COVID-19) Tímamót Starfsframi Vinnumarkaður Vinnustaðamenning Mest lesið Langþreytt á fasteignakeðjum sem slitna og ætlar aldrei aftur að flytja Viðskipti innlent Eftirlitið veður í Veðurstofuna Viðskipti innlent Endurbyggja gömul hús úr miðbæ Reykjavíkur á Selfossi Viðskipti innlent Arnar og Aron Elí til Reita Viðskipti innlent Vaxtaverkir í golfi: Kylfingum fjölgar um þúsundir á ári Atvinnulíf Ben kveður Jerry Viðskipti erlent Leitin skili tekjum í ríkissjóð þó það finnist ekki olía Viðskipti innlent Eldgosin við Grindavík höfðu mikil áhrif á neikvæða afkomu hins opinbera Viðskipti innlent „Gæti orðið til þess að þú sért látinn fara“ Neytendur Vara við díoxíni í Landnámseggjum Viðskipti innlent Fleiri fréttir Vaxtaverkir í golfi: Kylfingum fjölgar um þúsundir á ári SVÓT viðtöl við alla starfsmenn: „Gerðu þetta bara!“ „Eitt sinn var ég ekki svo lánsöm að tilheyra stóru vinkonusamfélagi“ „Er nú rétt að jafna mig á slæmu Wham! blæti“ Algengustu og neyðarlegustu mistökin í tölvupóstum Hinseginvottun: „Það er heldur engin kynjamerking á salernum fyrir fatlaða“ Gervihjónabönd: Að eiga vinnueiginmann eða vinnueiginkonu Framkvæmdastjóri Olís: „Ekki hleypa henni að græjunum“ Hryllingssögur og dæmi: „Slúbbertar halda heilu stofnunum í gíslingu“ Slúbbertar hjá ríkinu: „Erum að skapa ófremdarástand“ Starfsmenn sem ljúga Að púsla saman vinnu, aukavinnu og lífinu Fótboltastelpan sem fór í verkfræði: „Höfum eiginlega verið saman að eilífu“ Þegar ástríðan slokknar: Eins og hljóðlát kulnun Orkugeirinn stækkar: „Við erum komin að þolmörkum“ Þessi í vinnunni sem þykist vita allt og hefur alltaf rétt fyrir sér „Það er hægt að byrja að fjárfesta með fimm þúsund krónum á mánuði“ Þegar þreyttir starfsmenn mæta til vinnu eftir frí Sjá meira
Eflaust munum við seinna tala um „fyrir og eftir kórónuveiruna“ enda svo margt sem er líklegt til að breytast varanlega í kjölfar heimsfaraldursins sem nú kollríður öllu. Margt verður leyst með þróun snertilausra tækni en margir velta líka fyrir sér hvað í okkar eigin hegðun eða samskiptum muni breytast og verða aldrei eins og áður var? Hér eru sjö dæmi um hluti sem gætu breyst í vinnuumhverfinu. 1. Handabandið Að takast í hendur við ókunnuga þegar við heilsumst er siður sem margir spá að leggist niður að mestu í kjölfar kórónuveirunnar. Fólk mun hreinlega þróa nýjar hefðir. Þaðan af síður er talið líklegt að fólk muni heilsa ókunnugum með kossi. 2. Fundarmenningin breytist Margir spá því að fjarvinna muni aukast verulega og það til framtíðar. Þessi þróun þýðir varanleg breyting á fundarmenningu vinnustaða. Fjarfundir eru komnir til að vera og eins aukin rafræn samskipti samstarfsmanna á milli. 3. Hópeflisviðburðir og starfsmannafagnaðir Að forðast fjöldaforföll er eitthvað sem vinnustaðir eru að kynnast í fyrsta sinn. Alls staðar er verið að aðskilja starfsfólk til að koma í veg fyrir að of margir smitist í einu. Í þessum efnum heyrast spámenn segja að fyrirtæki muni setja sér nýjar stefnur um hópasamkomur starfsmanna. Þetta geti þýtt breytingar á viðburðum eins og hópefli deilda eða fjölmennum starfsmannahátíðum. 4. Atvinnuviðtöl Í stað þess að hitta marga umsækjendur sem sækja um starf er því spáð að mannauðstjórar fari í auknum mæli að nýta sér sérhæfð tæknifyrirtæki sem byggja á rafrænum viðtölum og fundarbókunum og voru upphaflega ætluð til að spara stjórnendum tíma. Í framtíðinni verði sá háttur á að aðeins einstaklingar í lokaúrtaki umsækjenda muni hitta stjórnendur því það verði liður í því að forðast óþarfa traffík ókunnugra inn á vinnustaði. 5. Ráðstefnur, vörusýningar og tengslanetsmyndun Ýmsir vilja meina að stórar ráðstefnur og vörusýningar muni heyra sögunni til. Sérstaklega eigi þetta við um mjög fjölsótta viðburði, til dæmis árlega tæknisýningu sem haldin er í Las Vegas þar sem gestir koma að alls staðar af úr heiminum. Breyting á viðburðum sem þessum mun þá samhliða þýða að tengslanetsmyndun mun færast meira yfir á rafrænt form. 6. Við hættum að mæta slöpp í vinnuna Íslendingar þekkja þetta vel: Við mætum slöpp (veik!) til vinnu og sjáum þegar á líður daginn hvort við hristum ekki slappleikann af okkur. Eftir kórónuveiruna mun fólk líta á smithættu öðruvísi en áður. 7. Endurmenntun starfsmanna Að sækja sér nýja þekking á fjölsóttum námskeiðum, málþingum, vinnustofum eða öðru er sagt að muni færast meira yfir á rafrænt form. Þetta gæti hljómað eins og einhvers konar niðurskurður en fari svo að þetta verði þróunin, er líklegt að hún þýði einnig að á alþjóðavísu verði auðveldara að sækja sér ýmsa þekkingu sem hefur verið of dýrt eða flókið að sækja sér hingað til. Samhliða þessu mun tengslanetsmyndun breytast og hætta að verða jafn algeng auglitis til auglitis. Stuðst var meðal annars við samantekt Forbes við vinnslu greinarinnar. Fréttin hefur verið uppfærð.
Faraldur kórónuveiru (COVID-19) Tímamót Starfsframi Vinnumarkaður Vinnustaðamenning Mest lesið Langþreytt á fasteignakeðjum sem slitna og ætlar aldrei aftur að flytja Viðskipti innlent Eftirlitið veður í Veðurstofuna Viðskipti innlent Endurbyggja gömul hús úr miðbæ Reykjavíkur á Selfossi Viðskipti innlent Arnar og Aron Elí til Reita Viðskipti innlent Vaxtaverkir í golfi: Kylfingum fjölgar um þúsundir á ári Atvinnulíf Ben kveður Jerry Viðskipti erlent Leitin skili tekjum í ríkissjóð þó það finnist ekki olía Viðskipti innlent Eldgosin við Grindavík höfðu mikil áhrif á neikvæða afkomu hins opinbera Viðskipti innlent „Gæti orðið til þess að þú sért látinn fara“ Neytendur Vara við díoxíni í Landnámseggjum Viðskipti innlent Fleiri fréttir Vaxtaverkir í golfi: Kylfingum fjölgar um þúsundir á ári SVÓT viðtöl við alla starfsmenn: „Gerðu þetta bara!“ „Eitt sinn var ég ekki svo lánsöm að tilheyra stóru vinkonusamfélagi“ „Er nú rétt að jafna mig á slæmu Wham! blæti“ Algengustu og neyðarlegustu mistökin í tölvupóstum Hinseginvottun: „Það er heldur engin kynjamerking á salernum fyrir fatlaða“ Gervihjónabönd: Að eiga vinnueiginmann eða vinnueiginkonu Framkvæmdastjóri Olís: „Ekki hleypa henni að græjunum“ Hryllingssögur og dæmi: „Slúbbertar halda heilu stofnunum í gíslingu“ Slúbbertar hjá ríkinu: „Erum að skapa ófremdarástand“ Starfsmenn sem ljúga Að púsla saman vinnu, aukavinnu og lífinu Fótboltastelpan sem fór í verkfræði: „Höfum eiginlega verið saman að eilífu“ Þegar ástríðan slokknar: Eins og hljóðlát kulnun Orkugeirinn stækkar: „Við erum komin að þolmörkum“ Þessi í vinnunni sem þykist vita allt og hefur alltaf rétt fyrir sér „Það er hægt að byrja að fjárfesta með fimm þúsund krónum á mánuði“ Þegar þreyttir starfsmenn mæta til vinnu eftir frí Sjá meira