Kia Sorento fær 5 stjörnur hjá NCAP

Kristinn Ásgeir Gylfason skrifar 16. desember 2020 07:01

Nýr Kia Sorneto hlaut á dögunum hæstu einkunn hjá Euro NCAP fyrir framúrskarandi öryggi. Allar gerðir Sorento, Hybrid, Plug-in Hybrid og dísilútfærsla, hlutu toppeinkunn hjá evrópsku öryggisstofnuninni.

Fréttatilkynning frá Öskju fylgir með hér að neðan.

Kia Sorento fékk hæstu einkunn fyrir alhliða öryggisbúnað og fyrir sérlega sterkan undirvagn og yfirbyggingu. Þá má nefna að öryggi fullorðinna jafnt sem barna í bílnum þykir framúrskarandi samkvæmt niðurstöðu NCAP.

Verðlaunin hjá NCAP eru enn ein rósin í hnappagat Sorento sem hefur sankað að sér viðurkenningum síðan hann kom á markað í haust fyrir fallega hönnun, framúrskarandi aksturseiginleika og nú öryggi. Bíllinn var á dögunum kosinn Bíll ársins og Besti stóri fjölskyldubíllinn hjá Carbuyer. Kia Sorento er með sjö ára ábyrgð frá framleiðanda.

Þetta er fjórða kynslóð Kia Sorento en hún var frumsýnd hér á landi í október sl. Sorento er með nýju og glæsilegu útliti sem fangar augað. Framendi, hliðarsvipur og afturendi bílsins hafa fengið alveg nýtt útlit sem gefa bílnum nýtt og fágað yfirbragð.

Tengiltvinnbíllinn er með 13,8 kW rafmótor og 1,6 lítra bensínvél sem skilar 265 hestöflum. Drægi bílsins er 55 km á rafmagninu eingöngu en síðan tekur bensínvélin við. Tvinnbíllinn er með Hybrid-tækni þar sem bensínvél og rafmótor vinna saman og skila bílnum 232 hestöflum. Eyðslan er frá 6,8 lítrum á hundraðið í blönduðum akstri. Dísilútfærslan er með 2,2 lítra vél sem skilar 202 hestöflum og eyðslan er frá 6,4 lítrum á hundraðið í blönduðum akstri.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.