Land Rover Defender 110 með 5 stjörnur hjá Euro NCAP

Kristinn Ásgeir Gylfason skrifar 11. desember 2020 07:01

Nýr Land Rover Defender 110 hlaut á dögunum hæstu einkunn hjá Euro NCAP fyrir framúrskarandi öryggi.

Meðal þátta í einkunninni má nefna 85 stig fyrir góða vernd fullorðinna og barna í farþegarýminu, 79 stig fyrir góðan öryggisaðstoðarbúnað bílsins og hlaut Defender í aðaleinkunn 5 stjörnur fyrir gott alhliða öryggi, sem innifelur m.a. sjálfvirka neyðarhemlun til að varna árekstri við aðra bíla, fótgangandi eða hjólandi vegfarendur sem búnaðurinn ber kennsl á.

Defender hefur frá því að bíllinn var kynntur unnið til 28 alþjóðlegra viðurkenninga og eru fimm stjörnur Euro NCAP enn ein skrautfjöðrin í hatt hönnuða bílsins sem er sterkasti og öflugasti Defender sem Land Rover hefur smíðað frá upphafi. Sem dæmi má nefna sérstaklega styrktan undirvagn og yfirbyggingu sem hvort tveggja er hannað til þess að takast á við sérstaklega erfiðar aðstæður af miklu öryggi í þágu ökumanns og farþega, hvort sem er utan alfaraleiða eða krefjandi umferð í þéttbýli. Á BL.is er hægt að kynna sér tæmandi upplýsingar um framúrskarandi öryggisbúnað sem fáanlegur er með nýjum Land Rover Defender.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.