Nissan LEAF áreiðanlegasti notaði rafbíllinn í Bretlandi

Kristinn Ásgeir Gylfason skrifar 14. nóvember 2020 07:00

Rafbíllinn Nissan LEAF var á dögunum útnefndur áreiðanlegasti notaði rafbíllinn á breska markaðnum af tryggingafélaginu Warrantywise í Bretlandi sem sérhæfir sig í sölu framhaldsábyrgða á bílum eftir að framleiðsluábyrgð þeirra lýkur.

Útnefningin kemur í kjölfar samanburðarrannsóknar sem fyrirtækið gerði á mismunandi tegundum notaðra rafbíla þar í landi auk notaðra bensín- og dísilbíla. Að því er segir í fréttatilkynningu frá BL. Leaf kom einnig betur út í samanburði við margar tegundir bíla með sprengihreyfli.

Meðal þátta sem Warrantywise skoðaði var tíðni viðgerða á verkstæði, algengar bilanir, kostnaður við viðgerðir og aldur bílsins þegar viðgerðir fóru fram. Í öllum tilfellum urðu bílarnir að vera að minnsta kosti þriggja ára. Samhliða var áreiðanleiki fólksbíla með sprengihreyfli kannaður og var Leaf sá sjöundi áreiðanlegasti í samanburði við þær tegundir sem kannaðar voru í þeim flokki.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.