Samstarf

Vill hjálpa fólki að láta fyrirtækjadrauminn rætast

Askembla.is
Jóhann Guðni Jóhannsson stofnaði AskEmbla , vef- og forritunarþjónustu í miðju covid, og býður einnig ráðgjöf í fyrirtækjarekstri.
Jóhann Guðni Jóhannsson stofnaði AskEmbla , vef- og forritunarþjónustu í miðju covid, og býður einnig ráðgjöf í fyrirtækjarekstri.

Vef- og forritunarþjónustan AskEmbla veitir alhliða þjónustu við vefsíðugerð, forritun og smíði snjallsímaforrita. Jóhann, Guðni Jóhannsson stofnaði AskEmbla á þessu ári þegar honum ofbauð verðlagning á vefsíðuþjónustu.

„Ég lét gera fyrir mig rándýra heimasíðu á sínum tíma sem ég þurfti síðan að gera ýmsar breytingar á. Forritunarvinnan var dýr og ég leitaði logandi ljósi að einhverjum góðum til að gera þetta fyrir sanngjarnt verð. Ég ákvað svo loks að bjóða upp á þessa þjónustu sjálfur og lét verða af því þegar covid skall á. Það vantar tilfinnanlega ódýra þjónustu í þessum geira,“ segir Jóhann. Hann fékk fleiri aðila til liðs við sig og AskEmbla vatt fljótlega upp á sig.

Sérfræðingar á hverju sviði

„Við erum fjögur sem komum að fyrirtækinu. Ég sé um markaðsmálin og að sækja viðskiptavini en auk mín starfar vottaður GoogleAds sérfræðingur í leitarvélabestun hjá AskEmbla, forritari og vefsíðuhönnuður. Við erum einnig með aðila sem sér um grafíska hönnun og bjóðum upp á að búa til efni inn á heimasíður fyrir viðskiptavini. Ég sé um þá hlið en ég skrifa skemmtilegan texta og íslenskan liggur vel fyrir mér. Ég er líka góður í að gera heimasíður aðlaðandi og einfaldar, "Less is more." Það er ekki gott að hafa heimasíður of flóknar eða of mikið af efni inni á þeim. Ég get fengið algjöra þráhyggju fyrir því að gera þessar síður betri og flottari en hjá öllum hinum,“ segir Jóhann. Hann hafi fljótlega bætt fyrirtækjaráðgjöf við þjónustuna þar sem stofnun fyrirtækis og uppsetning vefsíðu fari saman. Sjálfur stofnaði hann farsælt ferðaþjónustufyrirtæki, Reykjavík Outventure árið 2018 og vill miðla af eigin reynslu.

Nýtir reynsluna til að hjálpa öðrum

„Ég er metnaðarfullur, hef mikið keppnisskap og lít á mig sem sigurvegara. Ég nýti mér þá eiginleika til að hjálpa fólki að koma draumum sínum í framkvæmd og AskEmbla býður upp á ráðgjöf í stofnun fyrirtækja og fyrirtækjarekstri. Ég veit að það eru margir í þeirri stöðu að langa til að taka þetta skref en vita ekki hvar er best að byrja. Það eru einnig mörg fyrirtæki þarna úti sem hafa farið af stað en ná ekki markmiðum sínum. Ekki hafa áhyggjur, ég skal hjálpa ykkur að ná þeim,“ segir Jóhann. Það hafi ekki verið auðvelt að setja fyrirtæki í ferðaþjónustu á laggirnar á sama tíma og samdráttur hafi verið í geiranum, offramboð á ferðum, samkeppnin aldrei meiri og þá fór Wow Air fljótlega í gjaldþrot

„Ég er ekki mikill extróvert og því má segja að það hafi verið hálf ótrúlegt að ég hafi stofnað ferðaþjónustufyrirtæki. Það óx hratt og var strax með fáránlega veltu. Þó ég sé með þessa geggjuðu eiginleika, þá er ég gríðarlega kvíðinn einstaklingur. Ég kvíði fyrir nánast öllu sem ég geri daglega. Ég hef bara lært að láta það ekki stoppa mig í að ná mínum markmiðum. Ég vil hjálpa einstaklingum sem hafa drauma og markmið að komast út úr kassanum sínum og taka stóra stökkið,“ segir Jóhann.

Allar nánari upplýsingar á askembla.is





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×