Veiði

Frostastaðavatn komið í Veiðikortið

Karl Lúðvíksson skrifar
Það er mokveiði í Frostastaðavatni
Það er mokveiði í Frostastaðavatni Mynd: Veiðivötn FB

Veiðikortið hefur lengi boðið upp á gott úrval vatna sem henta öllum veiðimönnum bæði byrjendum sem og lengra komnum.

Reglulega hafa bæst við vötn í Veiðikortið og stundum einhver dottið út. Nú ber svo við að nýtt vatn er kynnt til leiks í Veiðikortið en það er Frostastaðavatn. Vatnið var hér á árum áður rómað fyrir flottar bleikjur og afskaplega fallegt umhverfi. Í dag er umhverfið eins en bleikjan hefur minnkað. Það er aftur á móti mikið af henni og vatnið þarf og þolir vel grisjun svo þarna máttu veiða eins mikið og þú vilt. 

Þetta er frábært vatn til að fara með krakkana ef þú vilt vera alveg hundrað prósent viss um að allir fái fisk. Eina leiðin til að fá ekkert á góðum degi er að vera ekki með agn, það er bara þannig. Þó bleikjan sé yfirleitt smá er oft ágæt bleikja inn á milli en málið er að smábleikjan í vatninu sem er í ágætum holdum (færð alveg horaðan fisk inn á milli) er frábær matfiskur. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.