Veiði

Fleiri lokatölur úr laxveiðiánum

Karl Lúðvíksson skrifar
Eystri Rangá er aflahæst laxveiðiánna í sumar.
Eystri Rangá er aflahæst laxveiðiánna í sumar. Mynd: ranga.is

Laxveiðitímabilið er að enda komið í sjálfbæru og náttúrulegu ánum en áfram er veitt þar sem göngum er haldið við með hafbeit.

Þetta sumar var, eins og allir veiðimenn upplifðu, ansi erfitt vegna þurrka og undir meðallagi stærð á göngum en það sem bjargaði lokatölum úr mörgum ánum var góður endasprettur eftir að það fór að rigna. En rigningin hætti bara ekki og árnar voru ekki í veiðanlegu vatni nema í 2-3 vikur og þá voru þær allmargar komnar í flóð saman ber árnar á vesturlandi.

Ef við lítum yfir veiðitölur af vef Landssambands Veiðifélaga þá er Eystri Rangá aflahæst í sumar með 2.978 laxa og hún á eftir að fara yfir 3.000 laxa, það er nokkuð ljóst. Hún er þá eina áin sem nær því í sumar að fara yfir 2.000 laxa. Það endurspeglar aðeins ástandið. Hún er næstum því helmingi hærri en næsta á á listanum sem er Ytri Rangá en það er ljóst að eitthvað hefur gerst í sleppingum þar á bæ því 1.626 laxar er lélegasta veiði í ánni sem við fáum uppgefna frá árinu 2006.

Miðfjarðará er hæst af náttúrulegu ánum með 1.606 laxa. Hún hefði alveg farið yfir 2.000 laxa ef ekki hefði verið jafn lítið vatn í henni lengst af í sumar því það var nóg af laxi í henni. Þverá og Kjarrá áttu góðann lokasprett og enda í 1.133 löxum og það sama má segja um Laxá á Ásum sem endar í 807 löxum sem er 105 löxum meira en í fyrrasumar. Listinn í heild sinni er á www.angling.is 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.