Landsstjórn Færeyja kynnir björgunarpakka fyrir flugið Kristján Már Unnarsson skrifar 25. október 2020 08:08 Jørgen Niclasen, fjármálaráðherra Færeyja, í viðtali við Stöð 2. Stöð 2/Baldur Hrafnkell Jónsson Jørgen Niclasen, fjármálaráðherra Færeyja, hefur kynnt sértækar aðgerðir landsstjórnarinnar til að bjarga flugstarfsemi eyjanna. Frumvarp um málið verður lagt fyrir Lögþingið á næstu dögum en ráðherrann segist hafa stuðning úr öllum flokkum við björgunarpakkann. Landskassinn hyggst leggja fram 115 milljónir danskra króna í beina styrki til flugsins, andvirði 2.550 milljóna íslenskra króna. Bróðurparturinn fer til þjóðarflugfélagsins Atlantsflogs, Atlantic Airways, um 2.220 milljónir króna. Þá renna um 320 milljónir króna til flugvallarins í Vogum, að því er Kringvarpið greinir frá. Flugfélagið nýtur einnig góðs af öðrum aðgerðum, eins og 35 prósent endurgreiðslu af sköttum launþega, sem áætlað er að skili félaginu um 270 milljónum íslenskra króna yfir árið. Strax í fyrstu bylgju kórónufaraldursins var stór hluti starfsmanna, eða 180 manns, sendur í launað frí en þar nýtti félagið sér almennar stuðningsaðgerðir landsstjórnarinnar við atvinnulífið. Engu að síður neyddist flugfélagið til að segja upp 100 starfsmönnum og fækkaði starfsmönnum úr 240 niður í 140, samkvæmt umfjöllun Norðlýsið. Airbus A319-þota Atlantic Airways á flugvellinum í Vogum í Færeyjum.Vísir/getty Vegna heimsfaraldursins gerir Atlantsflog ráð fyrir 53 prósenta fækkun farþega á þessu ári og að farþegafjöldinn í ár verði um 160 þúsund manns, samanborið við 338 þúsund árið 2019. Á næsta ári, 2021, gera áætlanir félagsins ráð fyrir að flytja 246 þúsund farþega og vonast svo til að árið 2022 verði félagið aftur búið að ná sama farþegafjölda og var árið 2019. Sem stendur heldur félagið úti lágmarksstarfsemi, sem felst í einu flugi á dag milli Færeyja og Kaupmannahafnar og einu flugi í viku til Billund. Félagið hafði einnig ætlað sér að hefja Edinborgarflug á ný um miðjan október en hefur frestað því fram til 5. nóvember vegna uppsveiflu faraldursins á Bretlandseyjum. Þá liggur Íslandsflug félagsins niðri en stefnt er að nokkrum ferðum til Keflavíkurflugvallar í kringum jól og áramót. Færeyingar hafa verið að endurnýja flota félagsins með nýjum Airbus A320neo, samhliða því að hætta rekstri minni Airbus A319. Stefnan er núna að vera með þrjár A320-þotur en einnig rekur félagið tvær þyrlur, sem bæði sinna björgunarflugi og almennu flugi innan Færeyja. Atlantic Airways hefur frá árinu 2014 verið alfarið í eigu færeysku landsstjórnarinnar eftir að hún keypti upp öll hlutabréf félagsins. Það var áður skráð á markaði, bæði í kauphöllinni á Íslandi og kauphöllinni í Kaupmannahöfn. Sjá mátti þotu félagsins í flugtaki á Reykjavíkurflugvelli og lendingu á Vogaflugvelli þegar Guðni Th. Jóhannesson, forseti Íslands, hélt í heimsókn til Færeyja vorið 2017: Haustið 2018 fluttist Færeyjaflugið frá Reykjavíkurflugvelli til Keflavíkurflugvallar: Færeyjar Fréttir af flugi Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hvað er opið um páskana? Neytendur Páskaeggin frá Nóa Síríus vinsælust Neytendur Stjörnugrís sektaður fyrir íslenskan fána Neytendur Tuttugu milljóna hámark sett á einstaklinga Viðskipti innlent Rússar flytja inn eldsneyti eftir drónaárásir Viðskipti erlent Forstjóri Boeing lætur af störfum fyrir árslok Viðskipti erlent Trump græddi milljarða dala í dag Viðskipti erlent Súkkulaði frá Nóa hækkar mest á meðan Freyja lækkar Neytendur Bónus, Extra og Heimkaup oftast með lægsta verðið á páskaeggjum Neytendur Hefð fyrir sumargjöf í Íslandsbanka Viðskipti innlent Fleiri fréttir Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Elsta vörumerki Bretlands fær nýtt útlit Umfangsmiklar uppsagnir hjá PlayStation Léku bakarí grátt og Musk lofar bót og betrun Bjóða níræðum ókeypis flug Gekk erfiðlega að svara fyrir meint okur og sagði upp störfum Ofsagróði hjá olíurisunum eftir innrás Rússa í Úkraínu Klósettleysi yfir Íslandi setti ferðaplönin úr skorðum Óvænt kreppa í Japan og Þýskaland tekur þriðja sætið Grænlendingar hefja beint flug til Kanada Engir rauðir límmiðar lengur á Iittala Vill færa skráningu Tesla til Texas Adidas ákveður að selja birgðir sínar af Yeezy Sjá meira
Jørgen Niclasen, fjármálaráðherra Færeyja, hefur kynnt sértækar aðgerðir landsstjórnarinnar til að bjarga flugstarfsemi eyjanna. Frumvarp um málið verður lagt fyrir Lögþingið á næstu dögum en ráðherrann segist hafa stuðning úr öllum flokkum við björgunarpakkann. Landskassinn hyggst leggja fram 115 milljónir danskra króna í beina styrki til flugsins, andvirði 2.550 milljóna íslenskra króna. Bróðurparturinn fer til þjóðarflugfélagsins Atlantsflogs, Atlantic Airways, um 2.220 milljónir króna. Þá renna um 320 milljónir króna til flugvallarins í Vogum, að því er Kringvarpið greinir frá. Flugfélagið nýtur einnig góðs af öðrum aðgerðum, eins og 35 prósent endurgreiðslu af sköttum launþega, sem áætlað er að skili félaginu um 270 milljónum íslenskra króna yfir árið. Strax í fyrstu bylgju kórónufaraldursins var stór hluti starfsmanna, eða 180 manns, sendur í launað frí en þar nýtti félagið sér almennar stuðningsaðgerðir landsstjórnarinnar við atvinnulífið. Engu að síður neyddist flugfélagið til að segja upp 100 starfsmönnum og fækkaði starfsmönnum úr 240 niður í 140, samkvæmt umfjöllun Norðlýsið. Airbus A319-þota Atlantic Airways á flugvellinum í Vogum í Færeyjum.Vísir/getty Vegna heimsfaraldursins gerir Atlantsflog ráð fyrir 53 prósenta fækkun farþega á þessu ári og að farþegafjöldinn í ár verði um 160 þúsund manns, samanborið við 338 þúsund árið 2019. Á næsta ári, 2021, gera áætlanir félagsins ráð fyrir að flytja 246 þúsund farþega og vonast svo til að árið 2022 verði félagið aftur búið að ná sama farþegafjölda og var árið 2019. Sem stendur heldur félagið úti lágmarksstarfsemi, sem felst í einu flugi á dag milli Færeyja og Kaupmannahafnar og einu flugi í viku til Billund. Félagið hafði einnig ætlað sér að hefja Edinborgarflug á ný um miðjan október en hefur frestað því fram til 5. nóvember vegna uppsveiflu faraldursins á Bretlandseyjum. Þá liggur Íslandsflug félagsins niðri en stefnt er að nokkrum ferðum til Keflavíkurflugvallar í kringum jól og áramót. Færeyingar hafa verið að endurnýja flota félagsins með nýjum Airbus A320neo, samhliða því að hætta rekstri minni Airbus A319. Stefnan er núna að vera með þrjár A320-þotur en einnig rekur félagið tvær þyrlur, sem bæði sinna björgunarflugi og almennu flugi innan Færeyja. Atlantic Airways hefur frá árinu 2014 verið alfarið í eigu færeysku landsstjórnarinnar eftir að hún keypti upp öll hlutabréf félagsins. Það var áður skráð á markaði, bæði í kauphöllinni á Íslandi og kauphöllinni í Kaupmannahöfn. Sjá mátti þotu félagsins í flugtaki á Reykjavíkurflugvelli og lendingu á Vogaflugvelli þegar Guðni Th. Jóhannesson, forseti Íslands, hélt í heimsókn til Færeyja vorið 2017: Haustið 2018 fluttist Færeyjaflugið frá Reykjavíkurflugvelli til Keflavíkurflugvallar:
Færeyjar Fréttir af flugi Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hvað er opið um páskana? Neytendur Páskaeggin frá Nóa Síríus vinsælust Neytendur Stjörnugrís sektaður fyrir íslenskan fána Neytendur Tuttugu milljóna hámark sett á einstaklinga Viðskipti innlent Rússar flytja inn eldsneyti eftir drónaárásir Viðskipti erlent Forstjóri Boeing lætur af störfum fyrir árslok Viðskipti erlent Trump græddi milljarða dala í dag Viðskipti erlent Súkkulaði frá Nóa hækkar mest á meðan Freyja lækkar Neytendur Bónus, Extra og Heimkaup oftast með lægsta verðið á páskaeggjum Neytendur Hefð fyrir sumargjöf í Íslandsbanka Viðskipti innlent Fleiri fréttir Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Elsta vörumerki Bretlands fær nýtt útlit Umfangsmiklar uppsagnir hjá PlayStation Léku bakarí grátt og Musk lofar bót og betrun Bjóða níræðum ókeypis flug Gekk erfiðlega að svara fyrir meint okur og sagði upp störfum Ofsagróði hjá olíurisunum eftir innrás Rússa í Úkraínu Klósettleysi yfir Íslandi setti ferðaplönin úr skorðum Óvænt kreppa í Japan og Þýskaland tekur þriðja sætið Grænlendingar hefja beint flug til Kanada Engir rauðir límmiðar lengur á Iittala Vill færa skráningu Tesla til Texas Adidas ákveður að selja birgðir sínar af Yeezy Sjá meira