Veiði

Gæsaveiðin er í fullum gangi

Karl Lúðvíksson skrifar
Gæsaveiðin hófst þann 20 ágúst
Gæsaveiðin hófst þann 20 ágúst

Gæsaveiðin stendur nú sem hæst og það er ekki annað að heyra en að gæsaskyttur séu að veiða nokkuð vel.

Það er mikið af gæs komin niður í vel flesta akra á suðurlandi og við erum líka að heyra að hún sé farin að koma niður í akrana við Melasveit. Það er sem fyrr mest að veiðast af grágæs en síðustu daga, í það minnsta af þeim svæðum sem við höfum staðfestar fréttir frá, hefur bráðin verið nokkuð jafnt bland af grágæs og heiðagæs en eins hefur eitthvað af helsingja verið að slæðast með.

Þeir sem hafa aðgang að ökrum á suðurlandi hafa verið að gera það gott en einn hópurinn sem hefur þrjá stóra akra á leigu voru með rétt um 500 fugla í síðustu viku en þá var skotið sex morgna og yfirleitt fjórar skyttur í akrinum. Október hefur oft verið mjög drjúgur ef aðstæður eru góðar og það er vonandi að það verði þannig því það voru ekki allir að gera það gott fyrstu vikurnar í heiðagæsinni. Ábúandi á einu af vinsælasta gæsasvæði suðurlands sagði í samtali við Veiðivísi í gær að síminn hefði ekki stoppað hjá sér en það voru skyttur að reyna komast í góða akurveiði eftir rýrar ferðir á hálendið. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.