Mun minni áhugi á Hlíðarvatni

Ásókn í Hlíðarvatn í Selvogi hefur dregist gríðarlega saman frá því á síðasta ári eða um 38 prósent, samkvæmt tölum frá Ármönnum.

"Það var viðbúið að minni ásókn yrði í vatnið góða eftir umræðu og aflabrögð síðasta árs," segir Eiríkur Indriði Bjarnason, formaður Ármanna. "Við höfum öll áhyggjur af stöðu Hlíðarvatns í augnablikinu en sú staða skýrist vonandi fljótlega þegar niðurstöður yfirstandandi rannsóknar verða ljósar."

Ármenn eru með sjö veiðisvæði í boði á þessu ári en voru með tíu í fyrra. "Heildarfjöldi stangardaga sem í boði eru fækkar ekki hlutfallslega jafnmikið og svæðum," segir Eiríkur Indriði en mikill samdráttur er í umsóknum hjá félagsmönnum. "35% færri Ármenn senda inn umsókn um veiðileyfi nú en 2012."