Rafíþróttir

Sigurgangan heldur áfram hjá XY

Bjarni Bjarnason skrifar
vodafone deild

Í kvöld fór fram áttunda umferð Vodafonedeildarinnar í CS:GO. Úrvalsliðin XY og GOAT mættust í mikilvægri viðureign. Lið XY var á heimavelli í viðureigninni og völdu þeir kortið Train.

XY byrjaði í vörn (counter-terrorist) og áttu sterkar fyrsti lotur. En GOAT náði fljótt yfirhöndinni með yfirveguðum spilastíl. Leikmaður GOAT snær (Jóel Snær Garcia Thorarensen) vann mikilvæga lotu fyrir GOAT þegar hann var einn eftir á móti þremur leikmönnum XY. Sprengjan var komin niður og hann nýtti sér pressuna sem það setti á vörnina og vann lotuna.

Leikmenn XY létu það þó ekki slá sig út af laginu og virtust þeir vera komnir með læsi á sóknir GOAT. Við þetta þéttist vörn XY til muna og spiluðu brnr (Birnir Clausson) og xerious (Sigurður Ingiberg Ólafsson) þar stór hlutverk. Leikmenn GOAT átti ekki svör við þéttri vörn XY og brotnuðu ítrekað á henni.

Staðan í hálfleik var XY 10 - 5 GOAT.

Strax í upphafi seinni hálfleiks sýndi GOAT á sér aðra hlið. Með þéttum varnarleik lokuðu þeir á XY og tóku fyrstu 3 loturnar. Leikmenn XY fundu þó glopur á vörninni sem þeir færðu sér í nyt. Liðin tókust á skiptu jöfnum lotum á milli sín. Það var brnr (Birnir Clausson) sem rak síðasta naglan í kistu GOAT. En mikilvægri lotu þar sem staðan var 14(XY) - 12(GOAT)  og GOAT var í yfirtölu felldi hann þrjá af þeim á svipstundu og færði sínum mönnum lotuna.  Setti þetta efnahaginn hjá GOAT alveg úr skorðum og var eftirleikurinn því auðveldur fyrir XY.

Lokastaðan var XY 16 - 12 GOAT.

 Critical maður leiksins var brnr (Birnir Clausson) sem átti stórleik.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.