Rafíþróttir

GOAT tók á Þór á heimavelli

Bjarni Bjarnason skrifar
vodafone deild

Í kvöld fór fram sjöunda umferð Vodafonedeildarinnar í CS:GO. Í fyrsta leik kvöldsins mættust úrvalsliðin GOAT og Þór. Voru leikmenn GOAT á heimavelli í viðureigninni og völdu þeir kortið Nuke.

Lengi vel var vörnin (Counter Terrorist) talin sterkari hliðin í kortinu Nuke. Þrátt fyrir það hófu leikmenn GOAT leikinn kröftulega er þeir spiluð sókn (Terrorist). Með öflugri sókn tóku þeir fyrstu lotuna án þess að missa leikmann. Næsta lota féll þeim einnig í vil.

Við tók þéttur varnarleikur hjá Þór og tóku þeir yfirhöndina í leiknum. Leikmenn GOAT áttu ekki svör við samstilltu liði Þórs sem var að lesa leikinn gífurlega vel. Var ReaN (Andri Þór Bjarnasson) þar fremstur í flokki Þórsara og hélt sínum mönnum við efnið.

Það var ekki nema þegar GOAT settu hornin fyrir sig sem að þeir tóku lotur af Þórsurunum. Þá voru það hraðar sóknir sem að var veiki bletturinn á vörninni.  Lauk fyrri hálfleik Þór 9 - 6 GOAT.

Þór byrjaði seinni hálfleik af krafti og kom sér í stöðuna 11 - 6. Þá var það DOM (Daníel Örn Melstað) sem steig aldeilis upp fyrir sína menn. Hann opnaði tvær lotur í röð með því að fella tvo af leikmönnum Þórs , kom sínum mönnum í yfirtölu sem svo kláruðu lotuna. 

Við þetta fundu leikmenn GOAT taktinn og hófst einstaklega þéttur varnarleikur að þeirra hálfu. Þór reyndi að leika eftir hraðar sóknir GOAT úr fyrri hálfleik en þeir síðar nefndu lokuðu gífurlega vel á þær.  Vikki (Viktor Gabríel Magdic) var sjóðandi heitur í hörkuspennandi leik sem að GOAT unnu að lokum.

Lokastaðan var GOAT 16 - 14 Þór.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.