Bílar

Myndband: Næsta kynslóð af BMW 2 línunni á Nürburgring

Kristinn Ásgeir Gylfason skrifar
BMW 2 línan á Nürburgring.
BMW 2 línan á Nürburgring.

Næsta kynslóð af BMW 2 línunni mun verða kynnt eigi seinna en fyrir árslok 2021. Nýtt myndband hefur náðst af M útgáfunni sem líklega verður kölluð M240i á Nürburgring. Myndbandið má sjá í fréttinni.

Myndbandið sýnir BMW M240i eða M245i eftir því hvað BMW velur að kalla bílinn, pína dekkin undir bílnum á Norðurslaufunni svokölluðu (Nordschleife) á Nürburgring brautinni. Hærra númerið, M245i gæti orðið fyrir valinu til að undirstrika aflaukningu á milli kynslóða. Enn er ekki ljóst hversu öflug nýja útgáfan sem sést í myndbandinu er.

Það er að einhverju leyti erfitt að greina hraða bílsins á myndbandinu. Hljóðin í bílnum skila sér þó vel og gefa til kynna að ökumaðurinn hafi ekki verið að hlífa bílnum mikið. Þá bendir veltibúrið um borð einnig til þess að ætlunin hafi verið að taka vel á bílnum á brautinni.

Fjörðunin virðist sérstaklega ætluð til brautaraksturs, enda ansi lítið bil á milli dekkjanna og hjólaskálanna.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.