Veiði

Fengu 34 urriða við Kárastaði

Karl Lúðvíksson skrifar
Flottur urriði af Kárastöðum í gær.
Flottur urriði af Kárastöðum í gær. Mynd Fish Partner

Urriðaveiðin fór aðeins seinna af stað þetta vorið og er þar aðallega um kulda og ís að kenna en það er óhætt að segja að veiðin sé komin í gang.

Þeir sem voru við veiðar í gær við Kárastaði lentu í sannkallaðri veiðiveislu en þar var 34 urriðum landað á einum eftirmiðdegi. Það hefur verið hægur stígandi í veiðinni á svæðum Fish Partner en núna virðist hún vera komin í gang og það með hvelli. "Það var fallegt veður í gær á þingvöllum og fanta veiði á Kárastöðum. Við byrjuðum um klukkan sex að veiðum lönduðum samtals 34 urriðum. Það var löndunarbið á Rauðkusunesinu bókstaflega.  Fiskarnir voru mest í kringum 60-65 cm en þó nokkrir voru 70 -77 cm. Einnig var veiðimaður á svörtuklettum seinnipartinn í gær og hann landaði 2 bolta urriðum. Einum 87 cm. Það verður gaman að fylgjast með svörtuklettum á næstunni því nú er tími þeirra að detta inn að krafti" sagði Kristján Páll Rafnsson hjá Fish Partner í samtali við Veiðivísi. Lausa daga á urriðasvæði Fishpartner má finna á www.fishpartner.is
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.