Veiði

Róleg og köld opnun Elliðavatns

Karl Lúðvíksson skrifar
Urriði úr Elliðavatni. Mynd frá 2019
Urriði úr Elliðavatni. Mynd frá 2019 Mynd: Atli Bergman

Elliðavatn opnaði í gær sumardaginn fyrsta en vatnið er ennþá kalt og það voru ekkert sérstök skilyrði svona á fyrsta degi.

Að venju leggja margir leið sína upp að vatninu þennan fyrsta dag og yfir daginn voru veiðimenn að koma og fara, flestir fisklausir. Það var víða reynt en eins og venjulega eru flestir að veiða við brúnna og við Elliðavatnsbæinn. Ekki voru neinar fréttir af veiðum þar en þeir fiskar sem við höfum frétt af komu af Þingnesinu og eins gerði veiðimaður ágætan eftirmiðdag við Kríunes en sá landaði þremur urriðum og missti tvo á stuttum tíma. Allir fiskarnir tóku litlar straumflugur. Hlutirnir eru þó fljótir að breytast við vatnið enda er það frekar fljótt að hlýna þegar það sést til sólar og um leið og það gerist fer yfirleitt tökugleðin í gang. Síðan þegar flugan fer að klekjast fara yfirborðtökurnar að detta inn en það er líklega eitt það skemmtilegasta við að veiða við vatnið, að fylgjast með uppítökum silungs og narra þá til töku á litlar þurrflugur eða yfirborðspúpur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.