Veiði

Veiða djúpt í köldu vatni

Karl Lúðvíksson skrifar
Í köldu vatni er best að veiða djúpt með sökklínum og sökkenda.
Í köldu vatni er best að veiða djúpt með sökklínum og sökkenda.

Það er mjög krefjandi að standa við ár og vötn á fyrstu dögum tímabilsins en það er samt hægt að gera fína veiði ef rétt að staðið að hlutunum.

Þegar vatnið er kalt eins og núna þá er fiskurinn yfirleitt ekki á mikilli hreyfingu og liggur oftar en ekki við botnin eða eins og menn þekkja vel, alveg við bakkann í skjóli frá mesta straumnum. Sjóbirtingur sem dæmi sækir ekki flugur vel á yfirborðið þó það séu alveg dæmi um að hann geri það. Þegar hann liggur við botninn vill hann fá flugurnar til sín og þá þarf að koma þeim þangað.

Lykilatriðið er að sökkva flugunum vel og það er yfirleitt gert annað hvort með sökkenda eða heilli sökklínu. Ef vatnið er grynnra er líka oft nóg að lengja í taumnum og nota þyngdar flugur. Þeir sem undirritaður þekkir af góðum aflabrögðum í sjóbirting segja að sama skapi að það þurfi að hafa smá líf í flugunni og það eiga alveg hiklaust að prófa bæði að láta hana reka sem og alla hraða af strippi. Lykilatrðið sé hins vegar alltaf að veiða nógu djúpt.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.