100 fiskar á land fyrsta daginn

Þrátt fyrir ansi leiðinleg veðurskilyrði eru veiðimenn landsins farnir að fjölmenna á sjóbirtings og silingaslóðir.

Við erum farin að fá fyrstu fréttir af veiðisvæðum og það er gaman að heyra hvað það gengur vel víða en fá svæði hafa varla opnað jafn vel og Litlaá gerði þann 1. apríl. Samkvæmt veiðibók komu 100 fiskar á land sem er frábær opnun en samt ekkert sem kemur á óvart því veiðin þarna er yfirleitt á þessu róli fyrstu dagana. Þrátt fyrir að veður hafi verið mönnum afskaplega óhliðhollt með frosti, hvassvirði og snjókomu tókst þó að ná þetta mörgum á land sem verður að teljast afrek og veltur líka upp spurningunni hvernig hefði gengið ef veður hefði verið skaplegra.